【得来不易】几十人聚集彩排好兴奋 RubberBand全员检测安心开Show

更新时间：15:59 2021-03-30 HKT
发布时间：17:05 2021-03-30 HKT

泥鯭表示：「我哋好乖做晒检测，好Safe先一齐练歌。喺疫情下大家都尽量保持身体健康，等大家可以如期享受个Show！」

《RubberBand Ciao 2021》音乐会将于4月3至6日假红馆举行，乐队成员近日正忙于为音乐会彩排，期间亦赶工完成新歌《Ciao》。个唱加入了雷柏熹爵士大乐团及无伴奏组合AMuiXis一同演出，日前经过首次同场彩排后，RubberBand众成员都十分兴奋，阿正表示：「听到Big Band玩返我哋嘅歌，当中有新Arrangement（编曲）都几感动。」

阿伟看到众人聚在一起，也不禁说：「加埋都几十人，排练室已经好大但都有逼嘅感觉，但好开心，全部人一齐响起音乐，自己都好感动。」由于今次参与音乐会的人数众多，所以大会在彩排期间的防疫功夫亦做到足。泥鯭说：「我哋好乖做晒检测，好Safe先一齐练歌，同埋排练时乐手都间开晒，又唔俾外人探访。喺疫情下大家都尽量保持身体健康，等大家可以如期享受个Show，我都幻想紧30几个乐手喺台上𠮶个画面，肯定好正！」

为了今次音乐会，RubberBand特别创作了新歌《Ciao》，但因为忙于彩排而未能赶及开Show前灌录歌曲派台，6号说：「因为横跨咗两星期应付一系列嘅彩排，歌词又迟咗起货，所以要喺咁密嘅彩排中再抽两至三日录音的确好难；大家又锡住我把声，冇特别要求生产首歌出嚟，所以我哋谂到先拍片段，早啲俾大家听下只歌，做完Show再录歌，希望工作人员可以赶及Show前剪好俾大家睇。」