【想当年】N年前急于望儿子成家立室梁朝伟妈咪曾想撮合头等空姐做新抱

更新时间：23:22 2021-03-14 HKT
发布时间：17:17 2021-03-14 HKT

伟仔、嘉玲结婚13年相当恩爱。

之前前空姐阿Tsar喺Smart Travel YouTube Channel惊爆发生喺刘德华及周星驰身上嘅恐怖灵异传闻后，昨晚又以「啷啷影帝佢至大」为题才再爆料，阿Tsar喺节目中访问另一位前空姐(化名囝囝)，囝囝现身说法忆述多年前梁朝伟妈妈好想撮合她做新抱仔经历。

呢个经历令囝囝一生难忘，话说当年她系经理级空姐，负责招呼头等客舱乘客，她负责一班由东京返香港航班，当时喺机舱门等上客时经已远远望到一位蛮有自信，戴住眼镜短头发，打扮平凡的太太上机，她带对方安坐时，太太好nice答：「唔该。」相当有礼貎令她留下深刻印象。而飞机起飞她就招待对方，太太每次都礼貎地讲句「唔该。」

58岁嘅伟仔依然有电眼，迷人到杀死人。

伟仔同华仔近期忙拍电影《金手指》。

直至空姐放饭时间，她上前跟太太闲谈，以为太太会她分享旅行趣事，岂她劈头第一句就有感而发话：「其实我都唔想一个人去旅行，但个仔工作时间好忙，只系畀咗钱我坐头等去玩，不过我宁愿个仔揾少啲钱，多时间陪我...」对此，囝囝表示同意，跟太太说：「其实我都系咁谂，揾够基本就得啦！钱揾唔晒，忽略家庭最终唔快乐。」太太听完囝囝讲法好「滚动」，望住囝囝说：「其实我哋倾咗咁耐，大家想法一样，你个人好真，好钟意你...」语毕追问：「你有冇男朋友？我想你做我新抱，唔知你有冇兴趣？」

囝囝当时心谂：「呢位太太打扮平凡，个样普通，同一师奶冇异，联想唔到佢个仔系点，不过睇吓相又冇妨。」点知睇咗相吓死她！她笑住形容：「𠮶刻我即刻想同我老公离婚，叫佢做奶奶，原来佢个仔有一双电眼，系『电眼啷啷影帝』(电影《色戒》)」。原来「电眼啷啷影帝」妹妹当时爬头已婚，所以妈妈有点心急。打后囝囝在机上都招待过「电眼啷啷影帝」，对两母子都叫有缘份，她更大赞两母子都好有礼貎，每次都会除下耳筒，望住空姐来回应。