4月开自驾骚制造就业机会　郑中基唱开心歌让乐迷忘忧

更新时间：19:58 2021-03-12 HKT
发布时间：22:30 2021-03-12 HKT

Ronald盼为久未睇骚及开心过的观众带来欢乐。

本周二（9日）才踏入49岁生日的郑中基（Ronald），在生日前夕宣布于下月24及25日假中环海滨活动空间，举行一连两场全港首个户外自驾演唱会《Drive In Ultra – WEE are Ronald Cheng》，门票今日（12日）预售，并于本月26日正式开卖。谈到生日愿望，Ronald望大家身体健康、世界和平、人人有工开，他说：「以前讲呢啲好老土，今年的确真系咁！每年生日都想做有意义嘅事，去年开始戴口罩，做关心社会嘅事，今年都有拍啲影片，迟吓大家就会睇到。生日当然想同大家一齐渡过，加上我一向都好想搞户外演唱会，今次终于搞到啦！」

Ronald承诺唱大家喜爱的歌，并会邀请其他歌手做嘉宾。

Ronald又拍片解答自驾骚的常见问题。

问到疫情下为何仍搞大型演唱会？Ronald解释：「第一，搞大型啲，就可以多啲人有工开；第二，香港冇试过呢种形式，外国好多地方已经有drive in演唱会，加上呢个形式好适合喺疫情下搞。」并谓曾在外国「drive in」睇戏，他都觉得很有趣，今次能进化到开演唱会，Ronald说：「会几好玩，又唔会违反限聚令，一家大细可以坐喺车到睇，应该系值得做同几好玩嘅一件事，所以就应承了主办单位！期望大家入嚟睇Show𠮶几个钟头，先摆低唔开心嘅事，一齐开心、玩咗先，经历咗年几时间，每日都估唔到听日有咩发生，希望喺睇演唱会咁短时间中，带畀大家久违嘅快乐和Enjoy音乐。」

Ronald表示场内观众必须戴上口罩及量体温等。

演唱会座位表

至于是次个唱的主题概念，Ronald表示一个成功的演唱会，不单止靠歌手，仲要有灯光、导演、搭台、Band和观众才搞到一个Show，他说：「所以每个嚟睇演唱会嘅人，其实你哋都系郑中基。加上疫情下，全世界都好团结抗疫，唔可能一个人做到所有嘢，要大家团结先做到，所以演唱会叫『WEE are Ronald Cheng』，等如人人都系郑中基。」Ronald又率先透露演唱会内容，他说：「会唱番多啲开心歌，当然大家想听嘅歌都会有。除咗我之外，到时仲会见到其他歌手，亦有一个主题关于乐坛、新人，仲系排紧，相信大家都会喜欢！」

此外，他亦于个人YouTube Channel「机动电视台RTV」上载短片，解答今次自驾骚的常见问题，例入场内人士须遵守政府公布之最新预防及控制疫病规例，即是观众必须戴上口罩，故场内也不设小食档，Ronald说：「入场观众可以放心，因为我哋可以填表或使用安心出行，同埋会量体温。」