搞动画三十周年展览王友良赞谢嘉怡够正面最似小丸子

更新时间：04:02 2020-11-20 HKT
发布时间：10:00 2020-11-20 HKT

王友良话自己性格最似系大野同学，但就唔及对方靓仔。

最近王友良（Ivan）以樱桃小丸子大中华区总代理身份，为小丸子动画30周年，喺元朗大型商场内举行展览活动，将动画中30个角色立体登场。小丸子对他有情意结：「因为小丸子系由细睇大嘅卡通人物，细个睇住佢嘅生活趣事，觉得佢系个好可爱嘅女仔，谂都谂唔到大个咗竟然认识到小丸子作者，仲同佢结成好朋友，一齐喺日本食饭、唱K，原来作者性格动态同小丸子完全一模一样。喺佢穿针引线下，我成为咗小丸子大中华区总代理，小丸子唔单止陪我长大，都成为我商务上一个重大项目，我有爸爸心态，要保护住呢个『囡囡』，好担心有不法商人做伤害佢嘅嘢。」

王友良觉得自己性格最似大野同学，同样系正面、好动，好阳光嘅男仔：「所以之前拍过一个真人版电视剧，我都系演呢个角色，当然我冇佢咁靓仔，佢有好多Fans㗎！」至于他眼中最似小丸子嘅女艺人，应该系今年港姐冠军谢嘉怡(Lisa)：「佢个人好正面、好开心、好真性情，当日选港姐时我经已有呢个感觉，而且佢以前做护士，一样好有爱心，好彩佢冇小丸子啲古怪嘢。」