【头条独家】18年亚姐冠军花尽6位数积蓄梁雪瑶靠兼职圆梦做歌手

更新时间：04:53 2020-10-10 HKT
发布时间：10:30 2020-10-10 HKT

Sheryl大学时在墨尔本读建筑，顺理成章返港便到建筑师楼工作，但唱歌才是她的最爱。

2018年度亚洲小姐冠军梁雪瑶（Sheryl），最近作出新尝试，自资6位数以独立歌手身份，推出首支个人单曲《二人总比一人好》，原来当歌手一直是她梦想，所以不惜花掉多年积蓄，甚至当日参选亚姐，只为实现歌手梦想，而为了做个有实力的歌手，她更不断学习唱歌及钢琴，唯有靠继续兼职画则帮补开支。采访：杜淑霞场地：南瀛水产

早前Sheryl为首支个人单曲《二人总比一人好》拍摄MV。

Sheryl虽然已正式当歌手，但依然不断学习，希望做得更好。

Sheryl原打算将写真书结合新歌同时推出，可惜疫情令她计划被打乱，「唱歌同出写真书都系自己梦想，所以早前就将两样嘢结合，推出写真书《My Way》，里面仲有四首国语歌，我仲自己亲自写词，之后再畀创作人帮我谱曲。不过，因为疫情写真书推出唔可以配合书展宣传，真系影响好大，依家唯有出咗啲歌先，等疫情稳定啲先再考虑举行签书会，最理想当然系搞签唱会啦！」

早前Sheryl本来趁书展推出写真书《My Way》，可惜疫情令她打乱阵脚。

有过17年参加港姐经验，Sheryl在18年再参加亚姐顺利当选冠军。

选亚姐为做歌手

花掉6位数积蓄自资写真书同歌曲制作费的Sheryl，觉得能够实现梦想一切也值得，「真系觉得好吃力㗎！差唔多用晒咁多年嚟大部份储蓄，但系我觉得都系值得嘅，因为我真系好钟意唱歌。」原来她17年先参加港姐入围20强，到18年参加亚姐夺冠，一切源于想入行做歌手，「其实我读书时已经好钟意唱歌，但𠮶时去咗澳洲读建筑，返到嚟香港做建筑工作，日日喺度画则做文职嘅工作，系比较刻板，觉得要入行就要趁年轻，于是扚起心肝揾方法入行，当时觉得最直接系选美，不过入咗行后，除咗唱歌，仲想试多啲其他嘢，譬如演戏咁，好想感受吓演绎一个角色嘅滋味。」

为了好好发展歌唱事业，Sheryl努力学习将勤补拙，现在既揾老师学唱歌及学钢琴，亦因为这个原因她仍要做其他兼职帮补，「我由小学到大学都系合唱团成员，但系唱嘅唔系流行曲，唱法好唔同，所以我由想做歌手开始，已经有揾老师学唱流行曲，另外我好想可以自弹自唱，所以都有学埋弹钢琴，其实好后悔细个学咗年几两年小提琴同埋吹法国号就放弃咗，呢行好多有音乐才华嘅人，自己唔增值就好难有竞争力，所以真系要keep住学嘢，但呢行收入唔稳定，好似呢排疫情好多工作都取消咗，唯有继续做画则𠮶啲兼顾帮补啰！」