眉心「生蛇」缠扰一个月黎瑞恩病情反复最惊毁容

更新时间：16:11 2020-08-17 HKT
发布时间：09:00 2020-08-17 HKT

小恩子咁贪靓，眉心「生蛇」好担心留疤。

正当大家以为月前黎瑞恩闭门，专心喺屋企网上彩排马浚伟出品嘅舞台剧《男人40 CEO》之际，昨晚她喺社交平台上载照片，相中的她眼睛及眉心位置又红又肿，生晒水泡，相当吓人！原来小恩子喺疫情下「生蛇」生到上眼，「蛇仔」又痒又痛，最后都要向剧团告假好好休息，幸而目前已渐渐康复，曾担心会留疤毁容嘅小恩子放下心头大石！

她发文说︰「我系想同大家讲，我病咗呀！上次同大家开完Live之后，隔咗两日，发现只眼好唔舒服肿咗，初时以为自己生眼疮，点知睇完医生话我只眼生蛇，唉！我成个人最靓就系对眼，点知...上次Live已经系7月23日，条蛇搞咗我差唔多已经一个月喇，因为疫情，舞台剧改咗在家ZOOM排练，初时都有顶硬上，但愈来愈辛苦，最后都要向剧团告假，喺屋企大概休息咗3个礼拜，病情反反复复，𠵱家好似已渐入佳境，但系就非常痕痒，希望尽快好番，等到差唔多好番(返)晒（晒），就可以同大家见面，暂时仲要继续忍一忍。寻（㖊）日收到舞台剧通知，因为疫情要延期，非常可惜，不过希望大家体谅，6月见大家喇，好挂住大家呀！更要多谢《男人40 CEO》剧团各位队友，呢段时间辛苦大家啦！」

唔少网民及圈中友好祝她早日康复，提醒她要多休息提高免疫力，叮嘱她养好身子，等她康复后再开Live，小恩子就回复话：「睇到哂喇！感谢大家俾(畀)我嘅各种治疗方法同祝福，放心！我会好快好返嘅！我见到大家开live开得咁开心，我都好想唱㗎！希望下个礼拜尾可以唱歌俾(畀)大家听啦！」