刘少君分享锻炼心肺功能贴示　麦德罗为引起恐慌向公众致歉

更新时间：22:05 2020-08-04 HKT
发布时间：16:43 2020-08-04 HKT

麦德罗承认大意，不应出院后即出街，并谓：「对唔住所有朋友，我做错了。」

上月确诊新冠肺炎的麦德罗大前日（1日）康复出院，翌日即急不及待相约一同染疫、早一日（7月31日）出院的刘少君去酒楼饮茶，结果惹网民砲轰自私兼四围「播毒」！对此，两人日前作出澄清，指医生重复检验多次，证实康复才获批准出院，又解释双方均有抗体在身，绝对排除感染其他人！不过似乎都未能平息网民的怒气，继昨日刘少君再拍片重申，并向受到滋扰人士讲唔好意思后，今日轮到麦德罗拍片向公众道歉。

刘少君示范吸波，向大家分享锻炼心肺功能的小贴士。

刘少君又指医生也有介绍吹气球，令康复者嘅肺部柔软。

片段一开头，戴上口罩的麦德罗长叹一口气，然后收起手上的报纸再接着说：「先同所有网民、读者讲声对唔住，因为今日睇到报纸都好唔开心，昨日（2日）朝早应约刘少君，喺屋企楼下附近饮茶，出嚟分享吓我哋好番嘅喜悦，同埋分享吓医院住嘅卫生，我哋喺医院系4个人一间房，瞓觉嘅时候都要戴住口罩，原来唔戴口罩瞓觉系好危险。但系，出嚟饮茶系唔啱嘅，系一个大意，咁先同大家讲声对唔住，亦多谢呢两个礼拜所有照顾我嘅医护人员，同埋向家人讲声对唔住，令佢哋受到影响，仲有公司一直照顾我，我都希望提醒大家就算确诊好番都唔好约朋友饮茶，尽量留喺屋企，呢两个礼拜调理吓身体、煮吓饭食，总之就唔好去应酬，不必要嘅约会都系。我喺度祝福所有朋友都注意卫生、身体健康，对唔住所有朋友，我做错了。」

麦德罗出院翌日（2日）即约刘少君去酒楼饮茶。

此外，刘少君又拍短片分享锻炼心肺功能的小贴士，他说：「我而家算系康复者，俾大家柔软锻炼肺功能嘅小贴士，医院俾呢个吸气令波波提升嘅工具，可以将肺部慢慢提气，若三个波升起就系正常人，唔得就要慢慢锻炼，每次做五至十次，将肺功能慢慢锻炼番好。如果冇呢个工具，医生介绍吹气球，唔好谷慢慢吹，每日吹三至五个气球，令康复者嘅肺部柔软，循序渐进慢慢好番，系小意见，大家可以参考吓。」