【头条独家】检测呈阴性邓建明闭关唔敢乱咁去：条街好危险

更新时间：11:41 2020-07-25 HKT
发布时间：11:30 2020-07-24 HKT

麦德罗病情已有好转。

麦德罗确诊新冠肺炎，跟他密切接触者都受到感染。而太极乐队成员Joey Tang(邓建明)曾于7月4日去过尖沙咀出席唱片业界一位前辈的寿宴，当晚麦德罗都在场，当Joey得知麦德罗确诊后，他第一时间去做病毒检测，直至昨晚才有报告显示呈阴性，Joey即报告喜讯，向本报表示多谢关心，不过，为人为己，短时间内会留在家中隔离，庆幸8月初才有工作做，视乎到时情况而决定工作，唔会乱嚟。

他认真道：「𠵱家唔敢周围去，出街真系好危险，身在澳洲求学嘅囝囝非常担心，呢件事上启发到要珍惜身边人，留喺屋企其实都有好多嘢做，我每日做两次健身都用咗4小时啦，之后弹吓结他，好快又一日。」

喺疫情下出席生日会被指系烂玩，他有话说：「其实系我一位识咗好多年，我好尊重嘅唱片业界前辈60岁大寿，咁我咪去一去祝贺吓佢啰，去到先见有咁多人，原来开咗3围，期间见麦德罗到场，不过佢系直入房间，而我哋就喺酒楼大堂位置，后来佢先喺房出返嚟，去咗另一围枱同人敬酒打招呼，我就同另一围枱嘅人倾偈，基本上我哋系冇接触嘅。」