【头条独家】赞林保怡系好监制黄溢濠岑珈其挨穷拍剧

更新时间：20:57 2020-05-25 HKT
发布时间：09:30 2020-05-26 HKT

珈其同林保怡好有默契，所以演得好入戏。

林保怡除了在ViuTV爱情悬疑新剧《叹息桥》中担正男主角外，仲处男担任监制。演员岑珈其及黄溢濠异口同声大赞呢位「新晋」监制相当专业：「佢会亲自现场监督，同我分析角色，感觉啱就做，任我发挥，好舒服。」采访：方骞平服装：VIBEZMART、Levis 化妆及发型：carmencmakeup_hair 场地：How Food Fatory

演中学生的黄溢濠同谈善言有感情戏。

黄溢濠和林耀声在《暧昧不明关系研究学会》中演同性恋者，有大胆演出。

剧中岑珈其演伍咏薇的绝症儿子，所以好细个经已睇得好化，而对手系成年版角色嘅前辈演员林保怡、周家怡及陈奂仁等，因为系罗生门事件，透过每集「焦点角色」嘅主观角度，往往一场戏演两、三个版本，作为演员感到好过瘾，珈其说；「戏内林保怡系我老板，戏外佢系好nice嘅监制，我哋会互相爆肚，睇吓对方接唔接得住，好彩过到关。佢成日话太紧张会唔自然，而我留意到，每次埋位前，佢都会用道具手机上网，放松心情。」

珈其大赞伍姑娘人靓又好戏，戏内戏外都叫她做「靓妈」。

岑珈其(后)同游学修演过电影《同囚》，口碑唔错。

拍剧有新体会
至于黄溢濠演中学生，同谈善言、陈健朗有纠缠不清的三角关系：「喺前辈身上学会平衡，有创作之余，要好自然。」提到两人演过多套高质剧集，如《火速救兵IV》，但收入和知名度却唔多，岑珈其自言唔失望：「呢个系做演员目标，咪要再努力啲，希望做到有人认识自己为止。其实只要观众记得角色，足以证明我有下苦功。」溢濠就话有观众认识系bonus，最重要系做好套剧，两人更强调好爱演戏，唔怕挨更抵夜，收入微薄！珈其好记得拍《火速》，喺冬天演一幕行山被困戏，现场要营造十号风球、横风横雨效果，虽然真系冻到癫，但就好刺激，连陪同拍摄嘅职业消防员都大赞他有非一般人可承受嘅耐力。