【咁都得】发噩梦被性侵张若希爆喊捽伤眼角膜

更新时间：20:45 2020-05-24 HKT
发布时间：20:00 2020-05-24 HKT

今年读中五的若希多才多艺，就算复课都唔会放弃唱歌。

唐韦琪(Vikki姐姐)的16岁女徒弟张若希因为有三百度近视再加二百几度散光，晚上要配戴矫视隐形眼镜睡觉进行矫视，岂料前晚她发恶梦，梦中大哭，不知不觉捽损了左眼的眼角膜，吓到张妈妈昨早马上带她看眼专科，经医生检查后证实左眼的眼角膜出血，微丝血管爆裂，幸而医生表示不用太担心，滴五至六日眼药水就会痊愈，但要以纱布保护左眼，以免再受伤。

若希表示：「个恶梦真系好恐布㗎！系有两个男人摸我呀！喺梦里面妈咪竟然同我讲『唔紧要啦！』，梦里我又惊又唔开心到大哭，喊到系咁捽眼，我第二天除隐形眼镜时因为眼睛好干，要用吸管将隐形眼镜吸出嚟，镜片与眼角膜磨擦，令眼角膜再次受伤流血，红咗一片。」

由于若希还要出席多个活动，Vikki姐姐建议取消所有活动，若希却反过来安抚大家：「我话唔使担心，我包著纱布就可以，唔可以因为少少受伤影响影响工作，我好挨得痛㗎！」

今年念中五的若希，快将于周三（27日）学校复课，她坦言放咗咁耐都心散了，要开始收拾心情准备返学：「最紧要做齐功课，同埋要揾番校服出嚟，上一次返学仲系冬天，𠵱家要换夏季。4个几月冇返学，习惯瞓到好晏又出去做宣传访问，日日都好似假期咁开心，突然要咁早起身返学真系有啲沉重啰，返学后我会继续唱歌，唔会放弃」