朱鉴然好努力挖沙，应该系准备搭帐篷。近月受疫情影响，大部分电影拍摄工作都煞停，4位影坛小鲜肉朱鉴然、胡子彤、吴肇轩和林家熙趁未使开工，早前约埋一齐去行山执垃圾，非常有意义。昨日，众人则于Instagram（Ig）出Po透露去了沙滩露营，朱鉴然和林家熙更自爆是人生第一次，而相中，看到他们又玩水又搭帐篷，4子夜晚仲围住个火倾心事，真系好「Bromantic」！不过，事后朱鉴然苦呻好多蚊，还晒出畀蚊针到变「猪蹄」的小腿，他写道：「第一次的露营。很感恩能跟你们一起经历，一起畀蚊咬，一起畀海浪声搞到完全无得瞓，一起早上游泳。请注意：香港是不适宜夏天露营的，现在我知道了。#camping #outdoors #咖啡要加奶 #结界 #吴肇毡 #营火」吴肇轩亦搞笑留言：「右脚16粒，左脚唔想数，我哋太好味。」未知他是在数自己的「战绩」，抑或咁得闲帮朱鉴然数呢？赤膊的朱鉴然认真做事，好Ｍan呀！（左起）吴肇轩、林家熙、胡子彤和朱鉴然晚上围住营火吹水，真有Feel。同样献出了「第一次」的林家熙也有感而发，他说：「有几样嘢特别想讲！就系好多蚊！我喺营入面望住个蚊帐已经有超过20只想强攻入嚟！同埋原来听住海浪声瞓，都真系几大声！同埋起身见到要执嘢𠮶一刻，个人会有半个钟至一个钟function唔到！多谢。」有网友就留言：「好快会去第二次。」不过林家熙好决绝地回复：「唔会。」并谓就算有下次，睇怕都要等天气转冷先再露营。朱鉴然一早起身又落水玩，睇吓佢几开心？！但事实上，4子畀蚊针咗成晚，林家熙话蚊帐外有超过20只想强攻入嚟！
