【头条独家】拍Viu剧《打天下》演一对谈善言怕畀AK粉丝闹

更新时间：21:35 2020-04-16 HKT
发布时间：22:00 2020-04-16 HKT

问到如果真的考空手道试会否合格，阿谈和Anson就好谦话：「我谂我哋都应该考到黄带或者白带嘅。」

谈善言和Anson Kong（AK）@MIRROR（江𤇹生）最近在ViuTV新剧《打天下》首度合作饰演师姐弟。剧中两人有大量空手道动作场面，事前已花3个月苦练，但由于要由BB班变大学程度，所以压力好大，特别演黑带高手的阿谈，拍摄期间keep住受伤，靠肾上腺素死顶。至于两人的感情戏，阿谈话好惊俾Anson粉丝闹，不过Anson就大卖关子唔肯透露两人有否亲热戏。采访：杜淑霞发型：Larry Ho@IL COLPO(谈善言) 化妆：German Cheung(谈善言) 服装：Max Mara(谈善言)、CALVIN KLEIN JEANS(AK)

「关志浩」劲冧师姐「庄惠」（阿谈）。

阿谈由完全唔识空手道，在欧锦棠特训下打得有板有眼。

阿谈和Anson接拍前从未接触过空手道，都担心应付不来。阿谈说：「棠哥（监制兼主演欧锦棠）揾我倾时，都担心自己应唔应付到，但系又好想挑战自己。」至于Anson就话：「我最初同Lokman（MIRROR成员杨乐文）一齐见棠哥，我谂住佢识跆拳道机会大啲，点知棠哥话我个样招招积积似个角色多啲，同埋剧中我最初系唔识空手道嘅，会更加适合。」

Anson演的「关志浩」，未学空手道前是个小混混。

Anson初次在剧集演戏份较重角色，自言特别紧张。

靠肾上腺素顶
两人为了应付剧中大量空手道动作场面，拍摄前3个月两人日日苦练，过程相当艰苦，特别是阿谈，她说：「因为全剧都唔会有替身，压力好大，好惊影响到成组人，拍时只谂冇回头路，唔可以做唔到，点知可能太紧张，第一日开工就拉伤咗大腿，之后keep住伤住拍，再加其他地方嘅伤，基本上冇一日唔系痛住拍，全程真系靠肾上腺素顶住咋！」

剧中两人演师姐弟，亦有感情戏，阿谈笑说：「我好惊呀！惊俾佢啲粉丝闹呀！」追问系咪有亲热戏所以咁担心，Anson就大卖关子话：「唔讲畀你哋听住，到时你哋睇咪知啰！」两人又提到最难忘去日本冲绳拍外景，阿谈说：「𠮶时个剧拍到尾声大家都真系好攰，但𠮶度啲景好靓，咩辛苦都唔记得晒！」Anson仲有机会同真正高手交手，「大师级老前辈外间哲弘未埋位时好慈祥，但一到讲空手道佢个样就好严肃，内功仲好劲，用只手指笃吓我都痛到瞓咗喺地呀！」