韩马利工作狂冷落老公杜燕歌被叫「韩先生」心里难受

更新时间：11:42 2020-02-09 HKT
发布时间：14:00 2020-02-08 HKT

韩马利（Mary姐）早前经历了一场急病，她与结婚30年老公杜燕歌受访电台节目《旧日的足迹》，大赞老公在她病榻中给予无微不至的照料和安全感。面对住院3星期、昏迷1星期，轻了7公斤的爱妻，杜燕歌每天都为妻子烹调不同的食物亲自喂食，又谓太太不懂照顾自己，希望病的是他，令Mary姐十分感动。

Mary姐坦言大病初愈之时接到超多的商演邀请，但她深感拥有健康才会拥有一切，故她学懂了珍惜。她说：「今次病好辛苦，但变成一个祝福，我明白一定有明天，但系明天不一定有我！我以前好骄傲、系工作狂，要别人认同先感满足，因而冷落咗丈夫，忽略咗佢嘅感受。」Mary姐于节目内更向丈夫表白：「我要向你（杜燕歌）讲多谢，谢谢你忍受我，同埋对我付出嘅一切，感激之余我会改变自己，希望做个合你心意嘅太太。」

两人更甜丝丝大爆浪漫史，他俩的情缘竟由饮热鲜奶而起。Mary姐回忆：「当时佢（杜燕歌）从澳洲返香港度假，参加艺人之家嘅活动，𠮶次我哋大家喺酒店咖啡室饮咖啡，佢竟然叫热鲜奶，还一连饮三杯，我心想呢个牛奶仔好奇怪，于是开始对佢感兴趣；又觉得佢唔会口花花，好有内涵，从来唔烟唔酒，好乖好静，我开始留意佢，两人亦开始写信同寄录音带（给对方），佢又喺声带里唱歌，唱得好似费玉清，我当然（也就）迷上咗佢。」

Mary姐与杜燕歌的婚姻亦由打赌开玩笑开始，杜燕歌忆起依然眉开眼笑：「有一次佢（Mary姐）忽然打电话话要嚟澳洲玩，问我招唔招呼？我话『好，冇问题！』。佢话『如果我嚟澳洲嫁畀你呢！』，我话『你够胆嫁，我就够胆娶！』（当时）大家只系讲笑，结果变成真！证明我哋心中都有对方。喺澳洲，人人叫我杜老板，但返到香港有人叫我韩先生，我心里边觉得难受，但是亦要放下男人尊严忍耐住，因为Mary喺澳洲我嘅餐馆，亦系落手落脚咁去帮我招呼人客，甚至帮我洗酒吧、洗厕所，一啲明星架子都冇，我感激万分！只系老婆太工作狂喇！喺香港对我关注好少。」

杜燕歌又忆述曾为太太送上别出心裁的爱情礼物：「记得结婚10年，我写咗一首诗送畀佢（Mary姐），挂喺墙上，佢可能冇留意到……我只系希望佢明白我，读懂我，陪我游山玩水睇瀑布、种盆栽……」。老夫老妻，一切的爱都来得简单直接，听罢老公爱的宣言，Mary姐亦含情脉脉的回应：「经历咗呢场大病，老公畀我好大安全感，我希望佢以后都话我知有咩需要，要讲出口，我一定会做，我一定要揭开你（杜燕歌）呢一本书……读识佢！」