《包青天》画面遭批似80年代水准张振朗演展超被弹好唔掂

更新时间：17:55 2019-07-23 HKT
发布时间：15:03 2019-07-23 HKT

谭俊彦亲身上阵骑马。（剧照）

无线剧集《包青天再起风云》昨晚首播，剧集于新疆拍摄外景，网民都赞「沙漠外景好靓」、「认真过《回到三国》，起码有骆驼」，但似乎是唯一好处。
有网民指「服装、发型、道具、色彩，80年代咁水准」、「个背景…好假啰，好似人哋80年代去影楼影相后面加张纸咁」，「睇惯《如懿传》同《倚天屠龙记》靓人靓景靓画面，睇呢套好顶唔顺」。其实还有室内景打灯超丑，女演员白脸和包青天黑脸都呈现一挞挞不均匀；其中一场室内文戏景，镜头不停郁，睇到观众头晕，是甚么新颖拍摄手法呢？
演员方面，张振朗演展超，外形上不单连他初接这剧时自觉好笑，网民都话「好唔掂」，「谭仔（谭俊彦演包青天）骑马都几叻，全部亲身上阵」、「但头先睇展超上马完全唔掂」、「未见过咁削展超」、「开封七子看上去最唔好打系佢，连曹永廉都大只过佢。佢去保护貌似好抽得嘅包公实在可笑」等。