后楼梯「激战」牛杂妹赵永洪劲惊:宁愿上番床！

更新时间：19:48 2019-05-02 HKT
发布时间：19:04 2019-05-02 HKT

一众演员伙同导演吴兆麟开 facebook live 畅谈拍摄点滴。

话题原创剧《向西闻记》前晚举行首播礼后，昨晚其中三个单元包括《咖喱鸡》的张建声和陈意岚、《PTGF&PTBF》的陈安立和张沛乐、《食女性地嘉亨湾》的赵永洪和李美琪 ( 牛杂妹 ) ，更伙同导演吴兆麟开 facebook live畅谈拍摄点滴。

戏中赵永洪向牛杂妹爆粗求「扑」，最后拉她去后楼梯激战，他称其角色反映了现今年代的「饮食文化」，但拍该场激战戏毫不好受，「拍𠮶时又热又局，但演员有呢个好处，正常你唔会做嘅嘢，演戏就有机会俾你感受吓，其实都几鬼惊，宁愿上番床好过。」现今唔少男人靠吹呃女仔，赵永洪则称此风不可长：「真的假不了，假的真不了，大话始终系大话，有一日会穿，呃人唔好做呀。依家网络资讯太犯滥，要自己分清楚边啲系真同假，如果唔系都好大镬。」

向来乖巧的牛杂妹在《食》剧中扮豪放女，可谓耳目一新，她说：「过往我参演嘅角色同自己俾人嘅感觉接近，好开心今次导演咁大胆揾我做一个豪放女，希望我嘅表现冇令佢失望。呢个角色嘅性格设定同表达意识上都好大胆，令人睇到㷫烚烚，后楼梯𠮶场戏，我拍嘅时候好紧张，因为戏入面我要主动锡赵永洪，手部游走佢身体不同部位，好怕唔小心掂到佢，俾佢以为我想非礼佢，哈哈。但经过导演亲身指导示范，加上对手嘅配合，场戏总算有惊无险顺利完成。」她称赞赵永洪很细心，对她相当照顾。

提到一夜情的速食文化，问牛杂妹能否接受？她就说：「我唔特别赞成或者反对呢件事嘅发生，爱情上我系几典型嘅水瓶座，非常凭感觉，如果感觉到而大家都系单身，why not ?」