祖马龙心水│「幸运派彩」乘势用尽

更新时间：18:43 2025-10-18 HKT
发布时间：18:43 2025-10-18 HKT

本是一个极之平凡嘅礼拜六，但兰域马场上演咗全球最高奖金嘅珠峰锦标，祖马龙一路食午餐、一路睇「嘉应高升」行圈，港队马出席呢个盛会之余仲要凯旋归来，作为香港马迷都感到光荣！其实「嘉应高升」喺香港连赢十三场，基本上跑千二米全无对手，远征海外当然系另一回事，不过隔晚一直大热，证明备受重视。跑完最开心嘅系，临场估佢会落飞之下，最终独赢竟派十五蚊，可能普罗马迷觉得派多一两蚊无咩特别，但当大户来讲相差好远。

呢个赛日，祖马龙食住个势支持第十场「幸运派彩」，佢上场赢得绝对唔轻松，甚至已出尽九牛二虎之力。不过，佢喺外地已由奥尔民策骑，来港之后亦见骑者当佢凑仔咁凑，不论晨操或出赛均一手包办。距离上仗两个礼拜，趁「幸运派彩」赢完仲有啖火，一于用尽佢，希望临场因为对手增多而换番些少分头，能给我一个幸运派彩！

第八场：4晒冷、2表之星河、3耀宝
第十场：4幸运派彩、5美丽星晨、10劲沙尘

↓立即下载星岛头条App↓