祖马龙心水│「华美之威」有望出头

更新时间：18:48 2025-09-09 HKT
发布时间：18:48 2025-09-09 HKT

话说今季祖马龙化身马坛界莎士比亚，喺多份报章分享马评，亦继续同章名喺网台继续分享心水，希望全方位帮马迷每餐加餸！

开锣日有时落雨，有时天晴。大家觉唔觉呢几季好似特别多雨水，即使沙田草地疏水速度快，但都会或多或少影响赛果？

呢啲天气反常嘅现象，我算在全球暖化、温室效应嘅头上。有时出街见前一秒万里无云、阳光普照，一唔带遮，即刻嚟场失晕雨。刚周一除咗八号波，亦有黄雨，意外地休息咗一日。
祖马龙发现一个现象，就系周六赛果特别冷，而我穿凿附会咗一堆原因，归纳为刨马时间少咗一日。假如用番呢个道理套落周三夜赛，大家可能会因为礼拜一较为得闲，因而多咗时间刨马，咁就睇下今晚会唔会连场开热门！

祖马龙今次钟意第二场「华美之威」，呢匹马跑咗两季，依家都仲系四岁，北半球马根据「英爱专家」理论，一段较为迟熟。去到依家，其实都未去到大熟大勇嘅时候，不过均速马上季尾连场走势接近，已有捧场价值。此驹暑假获减三分，今次落班负重磅配潘顿，兼且执个靓档，照计稳位望赢。

至于同场对手，「领创动力」上季尾影相仅败，现评分已届有利水平，难得复课仍勇，料会跨季再拼。
再讲其他心水，第五场「智勇名驹」和「龙文鞭影」，呢两驹上季尾已经交代，暑期状态保持。祖马龙认为前驹会摆前走后驹会居中，临场宜结合跑道形势再下定论。

第二场 1 华美之威 6 极速之子 4 领创动力
第五场 2 智勇名驹 9 龙文鞭影 1 纳百川

↓立即下载星岛头条App↓