祖马龙心水│「喜尊龙」稳中求胜
更新时间：18:42 2025-04-19 HKT
发布时间：18:42 2025-04-19 HKT
发布时间：18:42 2025-04-19 HKT
字体大小
换夏草之后，春风一吹仿佛提醒祖马龙系时候要去旅行喇！我用咗平时入闸前𠮶种快手嘅投注速度，上网抢咗张平价快闪机票。春天莅临嘅时候，雨水总会多两滴，依家又有温室效应，天气乍暖还寒。
祖马龙去咗名古屋，朝早有二十度，夜晚得八度，早几日仲上埋立山黑部，遇到四月飞霜，体验咗日本嘅春夏秋冬。离开一日后，听闻长野县发生五级地震，祖马龙避得开地震，亦赶得切返嚟参与沙田赛日，实在感恩！
其实，当大家努力刨马嘅时候，今日唔知听日事，赛事会随着天气变幻而产生变数，有时又因为其他临场因素，或者马匹健康出问题等，最终令赛果同预期有巨大出入。
体力充沛嘅潘顿复出之后，令马迷投注多咗支扶手棍。近期心情开朗嘅潘顿接二连三有马赢，祖马龙钟意佢今次第二场只「喜尊龙」，匹马连场追得好，可惜接连际遇欠佳，上场快闸但鞍上人决定留后，出弯入直路之际人马角力，因为由头到尾upset，终于直路一滴都无。今次强配潘顿，不理赔率只求交代，草泥赛日通常形势混乱，想稳中求胜可用此驹作为马胆。
第二场：3喜尊龙、11龙城强将、13肥仔精神
第三场：2赢得自然、6甜虾女、8天天耍乐
