祖马龙心水│「竞骏辉煌」手执杯耳

更新时间：17:20 2025-01-11 HKT
发布时间：17:20 2025-01-11 HKT

有时唔到大家唔信邪，马场智慧话我知有样嘢叫马主运。即系咁，匹马赢唔赢有好多因素，简单嘅就系只马fit唔fit、骑师当日状态如何，马匹以外嘅因素要考虑练马师部署周期、骑练合作数据等。马主运呢，就系马匹、骑师样样嘢都夹晒，谂住实食无黐牙啦，点知临尾叮当𠮶一下影输。去到呢啲因素都无办法㗎喇，唯有相信时来运转，下铺赢番。

最近两季竞骏会有啲运仔，摆喺唔同马房嘅马匹都相继交出头马，暴热嘅又有、暴冷嘅又有。今年马会仲特登新增咗一个竞骏会杯赛，有今季尚未交代嘅「竞骏辉煌」出赛。呢匹马大家会员都寄望好高，不过今季尚未交代。祖马龙实有私心，所以唔打算提供客观分析，希望呢个赛日潘顿连赢过嘅「包装天将」都唔拣骑，可以帮「竞骏辉煌」捧杯而回！

当然，潘顿都有拣错马嘅时候，你睇啱啱谷草唔要「追风」，益咗梁家俊。不过一季以来佢有几可拣错马？尤其依家潘顿士气如虹，预期农历新年前打破韦达纪录。祖马龙Q都唔买，只投注独赢一注，非理性地主观期望喺凯旋门见到「竞骏辉煌」凯旋归来。

第七场：4竞骏辉煌、6球星、8阳光勇士
第八场：1竞骏先锋、6真心传奇、5龙之光

↓立即下载星岛头条App↓