祖马龙心水│「巴基之胜」操足即拼
更新时间：18:38 2025-01-04 HKT
发布时间：18:38 2025-01-04 HKT
发布时间：18:38 2025-01-04 HKT
字体大小
经过一轮大节日嘅洗礼，又去旅行，又良朋欢聚，真系玩到心都散埋。睇一睇日历，原来月尾已经系农历新年。当圣诞树都未拆，就嚟又要忙住搜罗靓挥春、办吓年货，真系忙到氹氹转。祖马龙都系搬出嚟之后第二个新年，发觉原来办年货殊不简单。终于明白，点解新年时候家人会咁紧张，街市、杂货店、百货公司扫货一轮。今年提醒吓自己早啲开始打扫，准备迎接新年。
永远及早准备实无错㗎，睇吓「巴基之胜」上年三月已经嚟香港，一嚟到已经日日操，由五月开始潘顿帮佢试咗八课大闸，试到准晒今日初出。唔使睇太多，只系睇最近三课试闸，祖马龙见到只马已经操足。不过，最后一课开闸前弹咗一下，慢一慢闸，咁就惹起祖马龙疑心，阴谋论咁谂，会唔会系刻意想练埋出闸脱脚，末段点样修复失地？大家都知道祖马龙嘅思路一向跳出框框，不过既然事实摆在眼前，或许有漏闸危机，即使只马脚法纯熟，投注独赢之余，亦同时投注埋正副Q，喺对手唔多嘅场合，即使闸前马有失蹄，博呢匹马嘅底子能够末段狂飙上嚟！
第八场：4巴基之胜、1步大威猛、7非凡达
第九场：13威武年代、1铁金刚、3勇冠群英
