「补习丸」IG帐号一年内吸逾万粉丝成小学生偶像 11岁港童盼成周星驰2.0︳亲子专访

你还记得11岁时的自己在做甚么吗？与其他同龄小朋友一样，年仅11岁、正就读小六的周永杰及其好友「老Best」每天的生活同样离不开返学、读书、考试。在面对忙碌的学习生活之余，永杰闲时喜欢看周星驰的电影纾缓压力，更发挥创意将当中不少经典情节进行二次创作，拍成影片放到社交平台Instagram分享。帐号创立短短一年时间，就吸引了过万名粉丝。虽然永杰年纪轻轻，但已经立志成为演员，更冀望藉影片为大众注入正能量。

「10后」疫情入坑成周星驰粉丝

周永杰的IG帐号名为港产00J（IG@hk00j_hk），原来这个名字的由来是源于其偶像周星驰的其中一套经典之作 ——《 国产零零漆》。

周星驰的电影相信伴随着不少70、80后成长，但对于永杰这位「10后」，按理说应该感到陌生。他解释，早在两、三年前，因疫情只能留在家中上网课，上完课感到无聊便上YouTube找些影片解闷，偶然间看到一小段《逃学威龙2》的花絮片段，成功吸引他注意。「记得𠮶段系讲潜伏喺学校做卧底嘅周星驰终于成功揾到接应佢嘅警队同事，但又咁啱被佢女朋友撞见，令我觉得好笑之余又有啲尴尬。」他续指当时的他其实并不知道周星驰是谁，但看完那段片后便好奇上网搜寻有关他的资料，希望了解他更多，结果接连看了《逃学威龙》及《逃学威龙2》，「入坑」成为小粉丝。「依家差唔多睇晒佢全部作品，每次睇佢嘅电影都会笑到肚痛。」而这位小粉丝更有一个远大的梦想。「我希望大个之后可以成为好似佢咁带畀人正能量嘅人。」（会否希望像他那样自导自演？）「做住演员先啦！」永杰略带腼腆地笑着说道。

「食咗补习丸 IQ直线上升」

永杰的影片还有一独特标志 —— 补习丸。永杰解释，补习丸是受保济丸启发而成，因为经常听到这个广告，觉得当中的广告歌好「洗脑」。「一听到𠮶旋律就知道系依首歌，之后就创作咗『补习丸』，食咗佢，IQ就可以直线上升，增强几万倍。」变得更聪明，相信是不少人的愿望，但永杰指「补习丸」更多的是代表一种精神，希望将更多的正能量和欢乐传递畀观众。

纵然有演员梦，但仍需靠「伯乐」扶持，而这位伯乐正是永杰的继父兼补习老师Peter叔。「佢教咗我好多嘢，又教我英文，令我知道读书嘅重要性，仲帮我实现梦想。」现时，永杰IG帐户内的大部分影片均由Peter叔出手拍摄及剪接。「通常我会畀一个大方向或主题，然后鼓励永杰自己上网睇资料、『度桥』、写对白。」一旁的Peter叔补充道。永杰表示自己写完之后会先给Peter叔过目，毕竟自己的语文水平有限，有时写出来的东西可能会有点怪或不通顺，需要Peter叔帮忙修饰。

与「老Best」组兄弟帮

与永杰经常合作的「老Best」，由幼稚园开始两人就一直是同学，在征得「老Best」妈妈同意后，Peter叔便邀请「老Best」加入拍摄。「记得第一次好似拍咗一个钟左右，因为佢（「老Best」）成日记唔熟台词，背咗好耐。同埋睇住对方会忍唔住笑，上堂𠮶阵都系咁。」虽然如此，但这一年来合作拍片也没有试过意见不合，而两人相识多年也很少吵架。

然而感情再好都有「分歧」的时候。身为混血儿的「老Best」英文能力较强，中文则相对较差，偏偏永杰最怕的就是英文Grammar。「因为同中文好唔同，句子嘅结构可以完全前后调转。」永杰更笑言两人不能互补。

「老Best」： 「因为每次温英文佢就话唔想学。」
永杰： 「我唔想你教我呀，好烦！」
「老Best」： 「我点烦呀？我好有耐性教你㗎！」
永杰： 「 望住你教我就会忍唔住笑，然后畀Peter
叔闹。」

慢慢倾谈下来，两位小朋友没有访问刚开始时那么紧张，你一言我一语，非常搞笑。

每次Peter叔剪完片之后，都会先让永杰看一次。「睇返自己啲片会有种成就感，而且睇到啲搞笑位自己都会忍唔住笑，Peter叔仲话如果自己睇返会笑就代表条片成功。」对于拍片，永杰表示一开始觉得颇尴尬。「你谂吓，一出街啲人就认得你、叫你，都惊畀人笑，所以一开始死都唔肯出自己样，系后尾Peter叔不断说服我。」一旁的Peter叔说，要成功就一定要勇敢走出来，就算升中面试一样要对人，而事实亦证明他和「老Best」有能力做到。

升中面试偶遇fans

谈到升中面试，永杰分享了不少趣事。「我面试嘅时间系早上九点几，入去嘅时候咁啱撞到一个fans出嚟，可能佢啱啱面试完，当时附近有好多人，他大声嗌『补习丸！补习丸啊，Hello！』，我就礼貌地同佢say返hello，后来佢仲有喺我升中面试𠮶条片下面留言，话佢就系当日嗌我𠮶个人，相认之后我都有邀请佢同我一齐拍片。」而永杰提及的那条有关升中面试的片其实也是正式面试前所拍，当作是模拟面试。「𠮶条片嘅结尾有个反转，就系讲原来校长系爸爸，校董系爷爷，我都有畀同学睇，佢哋大部分睇到依个位都忍唔住笑，话我带住眼镜𠮶样好cute，其实老师嘅造型我系模仿之前一位好红嘅新闻人物 —— 何太。而且因为我本身无近视，要问Peter叔借佢𠮶副六百几度嘅眼镜嚟戴，但当我刻意扮『斗鸡眼』𠮶阵又会睇得清，好神奇。」

除了在学校门口遇到粉丝，就连带永杰上面试室那位中学生也是他的支持者。「佢一见到我就话『如无意外，我就系带你上去面试𠮶个中学生。』」（去中学面试有好多人认得你？）「唔知呢？可能都有10个？但都有差唔多人数喺我条片下面留言，话想我做到佢哋学弟。平时喺街、返屋企搭䢂都有小朋友认得我，我住𠮶度就最少有四个，佢哋会互相分享，又会静鸡鸡同佢哋妈咪讲，然后佢哋妈咪就会拎手机开IG睇我嘅片。同埋试过有fans放学撞到我，中学生嚟嘅，问我可唔可以合照，仲请我饮杯四十几蚊嘅嘢。」永杰的IG account还成功引起面试老师的注意。「面试嘅时候我同面试官讲我有IG account，佢都有问我相关嘅问题。

永杰的影片还不时提及Band 1英中，他解释：「因为佢哋毕业生入大学嘅比率比Band 2、Band 3高，学习风气都比较好。以前嘅我真系唔知道咩系Banding，甚至觉得自己一定可以入到皇仁书院，但后尾Peter叔同我分析，入皇仁嘅机会不太大，实际少少好，一拣错咗最后可能会跌到落好后志愿，派咗去自己都唔了解嘅中学。」落笔之际，永杰刚收到心仪中学的取录通知。「我都好想借呢个访问多谢小学嘅老师同嚟紧入读嘅中学，多谢佢哋畀机会同支持我，成个六年级应该得几个唔识我，我谂依家学校都有一半老师知道我有拍片，试过有老师email我话有喺facebook睇我啲片，仲加咗个笑嘅emoji，赞我好可爱。之前『东张女神』Maggie都有喺我啲片下面留言，好开心呀，因为之前有啲片都系讲紧佢。佢哋嘅支持都系我拍片嘅动力。」

到18区老麦「破地狱」

升中以外，麦当劳可说是永杰影片出现得最多的场景。「因为我钟意食，最钟意食脆香鸡翼。平时会点辣酱，如果喉咙痛就唔点。一个礼拜差唔多食两次，好似好多，不过一盒鸡翼都会拍好多条片，你睇我哋啲衫就知。」刚完成呈分试的永杰已达成今年IG有10,000位粉丝的目标，而接下来将会到全港18区，每区都去一间麦当劳找人「破地狱」（即唱〈普渡众生〉的改编版）。「其实我无睇过依部电影，净系知道唔系恐怖片，同埋系一个仪式，呢啲都系Peter叔讲畀我听。」一旁的Peter叔更「踢爆」，向永杰说完破地狱当晚，永杰吓得睡不着觉。「我一合埋眼脑入面就浮现好多只鬼喺我嘅床头飘过、徘徊，甚至幻想𠮶啲鬼系咪好似蜥蜴咁，匿喺天花版望住我、吓我，所以一合埋眼就想打返开。」

小朋友的想法总是天马行空，麦当劳除了可以「破地狱」，还有「失恋套餐」。「呢个就真系我谂出嚟嘅，因为之前有位叫七仔嘅fans想揾我哋一齐拍片，点知『老Best』对人一见钟情，拍完之后瞒住我同Peter叔私下联络人，每朝都主动发讯息畀人，结果七日后就被人block咗，哈哈！当时又咁啱情人节，就谂到将呢件事作为拍摄题材。」但年纪轻轻真的知道甚么是失恋吗？「少少啦！其实大家唔熟，依家见到会好尴尬。」「老Best」说道。「所以依家有七仔嘅片佢都话自己唔想出现，每次提起人都脸红。」永杰在旁边「补插一刀」。（笑！）永杰续指老师有教过何谓「拍拖」、「失恋」。「『老Best』经验多过我，佢暗恋过好多女仔，一至三年级有个女同学，然后Sarah，跟住七仔⋯⋯踢波𠮶阵又识咗另一个女仔，仲话白色情人节要送朱古力畀人，但最后都无送到，最少已经四个。」吓到「老Best」连忙否认：「中学先拍拖。」但当说到谈恋爱会做甚么时，永杰却给出一个让人哭笑不得的答案：「Kiss Kiss！」人细鬼大，谂头多多，也难怪能够在短时间内吸引如此多的粉丝，成为「万人迷」了。

文：林诗敏

图：陈仲梁、部分由受访者提供

相关文章︳以母亲视角重新解读《虎毒不》 陈小娟：「好妈妈不等同 要牺牲自我」︳亲子专访

相关文章︳走出丧亲之痛蜕变成辅导员 陈敏儿：「孩子是父母的人生教练」︳生死教育