小一100日同学心声│小一启蒙礼播「成长片段」感动家长 将军澳循道卫理小学校长：孩子适应力比想像强
发布时间：07:15 2024-12-17 HKT
小一100日同学心声│将军澳循道卫理小学的同学仔，可说最杀人措手不及，一个说「早就见过你！」，一个又说「你唔系嚟教书咩？」，最厉害「你识我哋校长 ！」，然后有两个发现包包上的公仔，反问「响边度买？」、「系咪妈妈买畀你？」 —— 我都好想有妈妈买！
同学仔问题：
- 最期待上咩堂？
- 最friend同学叫咩名？
- 学校饭盒好食吗？
小一张思言：我识Anson Lo
1.最钟意上音乐堂，第一堂学识唱校歌，好好听，平时无乜听歌，不过我识Anson Lo，因为响电视睇过佢唱歌跳舞，（你都好想好似佢咁唱歌跳舞？）系！我可唔可以呀？（你都可以 ）——
后来才知道，思言好想参加学校的「将循大舞台」，不知小神徒踏上了舞台没有？
2.讲三个得唔得？张浩诚、朱芷嫣和冯倩仪，因为我哋四个都系班长，经常一齐出动。
3.响学校食饭食得好快，试过快过老师 ！因为上咗咁多堂已经好肚饿，最期待「小食餐」，有烧卖、鱼蛋同好多嘢，无饭但有个包包或通粉，每次食晒都好饱。
小一张曦雯：白饭好好食
1.钟意唱歌，所以上音乐堂好开心，最近学识《小小的宇宙》（基督教诗歌）。
2.识咗好多新朋友，卓昕、叶影君和施希彤，系第一次放小息时一齐散步、一齐倾偈，跟住就做咗好朋友。
3.饭盒好食呀，我今日食第二个，都试过食第一个。（咩叫食第一个？）即系食饭时老师会检查饭，我第一个食完啰！（哦）饭盒啲白饭好好食，（学校同屋企啲白饭有咩唔同？）因为有菜嘅味道！
小一洪卓昕：学识用油粉彩画画
1.如果只可以拣一科最喜欢，我拣视艺；首先，有个视艺室，入到去好大好大，幼稚园只系用木颜色画画，我啱啱学识用油粉彩画长颈鹿，哗，真系好靓！
2.所有女同学都系我嘅好朋友，特别系曦雯，因为第一日返学佢
坐我隔离，佢问我可唔可以做朋友，嘻嘻。
3.我食饭都好快，曦雯食第一个我就系第二个，因为学校啲饭有汁。
小一李玥晞：小食餐系至爱
1.星期一嘅英文堂系最钟意，可以用iPad上堂。
2.好朋友系曾卓欣，我哋读同一间幼稚园，但嚟到小学至识。我哋响「Joyful Friday」一齐去玩英文游戏，仲睇咗《玩转脑朋友》 —— 姐姐，原来学校有电影睇！
3.最钟意食糯米鸡，（小食餐？）系，仲会有烧卖（开始七嘴八舌想数仲有咩小食，但数来数去都系烧卖），每次妈妈订餐我都会睇有无小食餐！（笑）
小一廖隽睿：识咗个女同学
1.返小一最开心系可以踩单车，体育课仲尝试打网球，我接到波呀！
2.我识咗个女同学叫黄雪嫣，老师将我哋编埋一组，我哋小息时会去教员室揾班主任拎座右铭卡，要做好一啲任务至会有。
3.我系妈妈送饭嘅，最钟意佢整饭团、乌冬，（咁你想唔想食佢哋啲饭盒？）唔想。
将军澳循道卫理小学林德育校长 小一是人生之启蒙
将军澳循道卫理小学会为小一同学庆祝满月，举行「小一启蒙礼」，当中会有宗教意味的燃点烛光，也有牧师分享与祈祷。「意思是学生来到小学这30天学到上帝的说话、做人道理和不同的知识，就像人生启蒙的开始，在庆祝同时也希望同学对学校更有归宿感，往后更投入校园生活。」人生启蒙，诚为宝贵，学校除了会送上小礼物，又会在活动中播放同学这30天课堂上的照片，往往家长都深受感动。
对于小一同学，林校长给他们两个字：进步。「进步即N加1，希望同学在心里记住：我现在是小一，会有六年时间在这所小学，只要每天能进步一点点，到六年级时就非常好了。」至于家长，林校长不讳言请他们放手，也给孩子时间慢慢成长。「有些事情他们真的懂，绑鞋带、去厕所、吃饭都不用担心，学校氛围向来轻松舒坦，师兄师姐、老师照顾周到，事实小朋友学习能力比我们快，请对他们有信心。」
文：刘佩桦 图：郑慧盈、受访学校提供
相关文章︳小一100日同学心声│中华基督教会全完第一小学办小一百日宴 小一生各司其职家长眼泪缺堤
相关文章︳小一100日同学心声︳圣公会油塘基显小学小一生最关心「食」 校长向小一生送上三个字
相关文章︳升中派位2025│2025/26升中攻略 一文整合18题Q & A：点知Banding？
相关文章︳升中派位2025︳吴永雄校长分析：甚么是「成绩次第」？何谓「自杀式填表」？面试4个大忌要戒
