小一100日同学心声│中华基督教会全完第一小学办小一百日宴 小一生各司其职家长眼泪缺堤
发布时间：07:15 2024-12-16 HKT
九月份升读中华基督教会全完第一小学小一的同学可说最幸福，因为中华基督教会全完第一小学刚于九月搬了新校舍，面积达5,800平方米。同学仔差不多个个都说「学校啲酱」好好味，结果要集齐五位同学仔「口供」，才搞得懂他们口中的「酱」是甚么一回事。
同学仔问题：
- 最期待上咩堂？
- 最friend同学叫咩名？
- 学校饭盒好食吗？
小一郭子莹：视艺画咗Jellyfish
1.返小一好开心，我最喜欢视艺堂，啱啱学咗画海洋世界，我画咗鱼呀、龟呀，仲有jellyfish！
2.我最好嘅朋友就系佢（指着身旁的黎浠宜），我哋玩包剪揼识，小息我会陪佢玩呼拉圈，有时一齐睇风景。
3.妈妈每日拎饭畀我食，最钟意佢煮菜，因为我钟意绿色。
小一何谦和：投入学习手钟
1.校逢星期四有「周四课外活动」，好多活动参加，我入咗武术，依家先练习动作（咁你钟意体育堂？）我钟意音乐堂，因为可以玩乐器，星期一有手钟班，手钟有太多嘢，书包装唔晒，唔可以拎返屋企，所以每次上堂我都好……（期待）系系系。
2.郭铭淳就系我好朋友！因为大家都系班长，佢系我好拍档，仲有黎浠宜，我哋会分工合作，有时都要叫同学静啲，或者同学唔识写个字，我就教吓佢。（帮到人好开心？）系。
3.食饭呢，有啲酱有粟米，好食，因为妈妈唔会咁样煮。（粟米肉粒饭？）唔系。
小一欧祉瑶：饭盒嘅茄汁好食
1.最喜欢数学堂，之前学咗立体图，啱啱学完双位加减数，学识进位、借位！
2.Hailey（黎浠宜）。我哋会去睇动物，不过我只够胆睇龟，蜥蜴有少少惊。 （Hailey陪你就唔惊啦？）系。
3.哗，饭盒嘅茄汁好好食！（最喜欢有茄汁嘅菜？）唔系！（个饭有茄汁？）唔系，我都钟意食牛肉（咁系茄汁牛肉饭？）唔系。
小一郭铭淳：释破粟米汁之谜
1.我都钟意视艺，但钟意做手工多啲，熊猫BB出世，老师教我哋用纸整咗只熊猫，好得意。
2.有两个好朋友，梓英和天乐。有一日，我问可以做朋友？咁就做咗朋友；会一齐去图书馆睇书，上次借咗《屁屁侦探》。
3.幼稚园只有九个同学一齐食饭，依家同25个同学一齐食饭好有趣，但系好静，要专心食饭。（你系咪又钟意粟米汁）我钟意茄汁和姜。（点解你哋全部都提到番茄和粟米？）小食餐！会有烧卖、鱼蛋、面包、鸡髀仲有粟米汁（仲有茄汁？）无茄汁 —— 究竟茄汁系点嚟！
小一黎浠宜：破解茄汁的疑问
1.我喜欢睇英文书，特别喜欢英文堂，我有上Cambridge，所以依家有啲生字都学过。
2（你有好多朋友呀）嘻嘻，祉瑶都系我好朋友，我钟意去操场睇大家玩呼拉圈，因为我啱啱开始学，未玩得好好，但跳绳就OK。
3.依家系食饭盒，但下个月屋企人会拎饭畀我。我都钟意小食餐呀，有时系面包，多数系汉堡包（粟米汁系咩？）唔系粟米汁，系一粒粒粟米（哗，终于明啦，咁点解大家又话有茄汁呢？）茄汁系通粉同埋有菜（即系番茄通粉又有菜） 菜系混合番茄，捞埋一齐食。
中华基督教会全完第一小学谭光德校长 好好享受一年级
全完第一的「小一百日宴」有一个重头节目，就是同学亲自奉茶给家长，每年这个「特备节目」一出，家长都会眼泪缺堤。「奉茶是中国传统文化，借此令小朋友明白孝顺和尊重。今年会较特别，我们早前买了些茉莉花种植，同学都有帮忙，之后我们会晒干，再于今年『小一百日宴』冲沏茉莉茶来奉茶。」谭校长说小一100日跟同学出生的100日意义相同，从幼稚园到小学已经是一个里程碑，活动正好让家长看到孩子这100日的学习成果。「小一同学会在整个活动各司其职，比如司仪、唱英文或普通话歌、跳舞、朗诵等，家长通常都不置信孩子已成长了那么多。」不过谭校长笑言，虽然经常叮嘱同学不要太快告䜣家长自己负责甚么，不过很快就「穿煲」。「返到屋企就忍不了告诉家长。」
对于小一同学仔，谭校长衷心希望他们好好享受这一学年的生活，努力适应。「小一是最无忧无虑，当越升越高班，少不免有各种压力，所以今个学年他们在新校舍先享受小学生活。」因应新
校舍设计，谭校长说每当「自由午息」都鼓励同学到操场进行各种体育活动，因为从课室踏入操场，简单的体育用品如篮球、乒乓球、跳绳、呼拉圈等就在地上或挂在墙壁，任同学使用。
文：刘佩桦 图：郑慧盈、受访学校提供
相关文章︳小一100日同学心声︳圣公会油塘基显小学小一生最关心「食」 校长向小一生送上三个字
相关文章︳升中派位2025│2025/26升中攻略 一文整合18题Q & A：点知Banding？
相关文章︳升中派位2025︳吴永雄校长分析：甚么是「成绩次第」？何谓「自杀式填表」？面试4个大忌要戒
