胡慧冲 - 横琴之行大开眼界 | 笔泰冲动

更新时间：02:00 2026-10-30 HKT
发布时间：02:00 2026-10-30 HKT

　　相隔廿多年重返内地，横琴之行令我大开眼界！

　　上星期有幸获得横琴粤澳深度合作区产业发展局旅游会展处处长林衍杰先生（Vic Lam）嘅盛情邀请，参加横琴当地举办嘅「2026澳琴露营节」活动，仲有机会同大家分享一啲泰国旅游同露营嘅经验，实在非常开心！

　　今次亦有机会同林先生简单交流，虽然只系短短一段Chat，但已经感受到佢对旅游业发展嘅熟悉同热诚。能够有咁样嘅交流机会，对我嚟讲亦系一种难得嘅收获！

　　讲出嚟可能大家唔信，小弟已经超过20年冇踏足内地！今次第一站嚟到横琴，自然有一种既陌生又新鲜嘅感觉，甚至有少少「刘姥姥入大观园」！

　　最令我印象深刻嘅，系今日横琴呈现出嚟嘅城市面貌、规划同各种新建设。短短几日，虽然未有机会深入了解每一个角落，但已经令我对呢个地方产生咗更多好奇，亦希望将来有机会进一步探索。

　　大会仲非常细心，安排我入住横琴DoubleTree by Hilton酒店两晚。酒店设计鲜明，别具特色，设备亦相当新颖，无论房间设施定整体住宿体验，都令我留下非常好嘅印象！

　　今次旅程除咗让我接触到不同嘅露营旅游文化，更加难得嘅系认识到一班对旅游业充满热诚嘅朋友。最后再次衷心多谢林先生、大会各位工作人员以及所有协助今次活动嘅朋友！由接待、住宿到活动安排，都感受到大家嘅用心。

　　对一个超过20年冇返过内地嘅人嚟讲，今次确实系一次充满新鲜感同新发现嘅旅程！

　　一个住在曼谷超过十年的香港人，人称泰国通。

胡慧冲