朗壹广场变身巨型飞行棋盘，6米长纸飞机滑梯超吸睛，包保一家大细有个好玩刺激嘅「飞」常夏日！

Cally - 元朗朗壹变身巨型飞行棋盘！大埔联乘MUZIK TIGER边玩边打卡 | 商界讲呢啲

更新时间：02:00 2026-08-04 HKT
发布时间：02:00 2026-08-04 HKT

　　今个暑假，想一家大细玩得开心，去元朗朗壹广场同大埔超级城就啱晒啦！

　　先讲朗壹广场，今次商场搞咗个「『飞』常夏日」活动！中庭化身巨型飞行棋盘，最瞩目一定系𠮶架6米长嘅巨型纸飞机滑梯，小朋友见到一定争住「瀡」！场内仲有陀螺自由对战区、跳飞机同井字过三关，畀大家重温最纯粹嘅童年乐趣。去到8月22至23日，仲会举办首届学界纸飞机飞行大赛，请嚟世界冠军级评审坐镇，齐齐挑战世界纪录！好动嘅会员，可以用点数换领8米高室内攀爬墙或大热匹克球体验。玩到攰，记得带埋毛孩去宠物友善咖啡店hive，佢哋推出咗加咗宠物专用麦芦卡蜂蜜嘅毛孩健康食物碗，主子一定钟意！

　　转个头入大埔超级城，韩国超人气MUZIK TIGER家族破天荒披上运动同甜品装束，同大家开「盛夏甜运会」！场内有齐巨型雪糕杯同冬甩畀你打卡，仲可以挑战AR体感足球「萌虎射门」同甜品点点乐游戏。8月加码推出CyberBall虚拟闪避球体验、雪糕泡泡浴芭工作坊同有机好物市集。新地商场会员喺场内消费满HK$800，仲可以独家换领限量版MUZIK TIGER冰感风扇𠻹！