买年花买著棵$300「假苹果树」？ 天水围苦主揼心 醒目网民拆穿怀疑造假细节｜Juicy叮
发布时间：11:15 2026-02-13 HKT
年近岁晚，花店或花档都大做年花生意。有天水围街坊花300大元买了一棵「假苹果树」后，揼心地在网上诉苦。醒目网民即时拆穿「假苹果树」的西洋镜，点出怀疑造假细节。详情见下图及下文：
买年花买著棵$300「假苹果树」？ 天水围苦主揼心逐张睇↓↓↓↓
楼主：好阴公猪
楼主昨日（12日）在社交平台facebook群组「元朗、天水围、屯门友」上载相片发帖，留言指在天水围一商场内「买咗棵假苹果树，仲要俾个恶女人指住个鼻哥闹，好阴公猪，呢个年头在香港消费都惨」。
楼主上载多张照片，包括枝叶茂盛兼果实累累的涉事「苹果树」，和涉嫌造假「证据」。在回应栏，楼主进一步爆料指，由于「高科技出现好多嘢都会觉得合理」，因此才多次向店家求证，但对方仍「实牙实齿话系真苹果树啊」。
楼主：黐铁支插个苹果上去
楼主自怨「唔系北方人嘛，未见过真苹果树，所以俾人呃喽」、「好多人经过都觉得真嘅」，直指这树是「黐铁支插个苹果上去」。
楼主强调「就系因为自己唔识先问佢系唔系真苹果树，佢实牙实齿答我系真苹果树我先买㗎，太过相信佢哋了」、「口问N次系唔系真㗎，实牙实齿答我系真嘅苹果树」。由于不满店家的「不良营商手法」，楼主透露已向海关举报。
网民：好多年前已知造假
网民在「假苹果树」事件上的回应倒也多元化，不少人同情楼主并谴责店家，有人坦言也曾遭遇这不测，有「X2经歴」。
有人则提醒「好多年前都已经知道呢啲苹果树啲苹果系钉上去嘅！咁细棵树正常认知都唔会有咁多咁大只苹果啦！」、「谂都谂到咁细棵树点会种出咁大粒苹果出嚟，仲要咁多个生喺枝干上，苹果侧边又无嫩叶」，笑言「咁细棵牛顿点坐树下面俾苹果扑头」。
虽然有网民指这棵其实也是真苹果树，只是「苹果系用竹签拮上去」、「傻瓜，啲苹果黐上去㗎🤣🤣🤣」，建议「下次你上网睇吓苹果树是系点，咁咪唔会被呃」，但楼主却提到「后面有经过啲阿姐话棵树系桑树来嘅」。有好心人则安慰楼主，指「咁佢又系......真苹果㖞🤪」、「明买明卖咪当装饰」。
资料来源：Giu Yang＠facebook「元朗、天水围、屯门友」
相关阅读：
北区清洁工公厕插花激励失业女 女事主感恩：呢到曾经系我安心之所 网民赞誉全港最靓公厕
买花女疑顺手牵袋 大围餐厅吁归还 网民撞正爆行踪 后续有彩蛋
