经理级人马失业转跑道爆料指街市卖嘢劲好赚卖菜日薪高达4位数字网民唔敢相信｜Juicy叮

更新时间：15:42 2025-11-21 HKT
发布时间：15:42 2025-11-21 HKT

有经理级人马失业后转跑道继续拼搏，跟朋友夹钱在街市卖嘢食后得知行情，爆料鼓励大家天无绝人之路，指原来在街市卖嘢好赚钱。以卖菜为例，日薪便高达4位数字。不过，有网民不敢相信；但也有人指卖菜薪酬确高，只是工种辛劳「系好辛苦钱嚟」。详情见下图及下文：

经理级人马失业转跑道爆料指街市卖嘢劲好赚卖菜日薪高达4位数字逐张睇↓↓↓↓

楼主：生果档老板寸到天气冻休息

匿名楼主今日（21日）凌晨在facebook群组「裁员炒人消息关注组 🔥🍳🦑 」发帖分享自身经历以鼓励网民——

「小弟做咗廿几年Office（写字楼），升到SM（Senior Messenger，高级经理）都有$45000，但3月（前）俾个GM（General Manager，总经理）炒咗，系呀失咗几个月业，同朋友夹钱在街市卖嘢食先知卖菜有$1000日，卖包有$60个钟。生果档老板寸到天气冻休息一天，杂货铺老板4万、5万租金都有钱赚。

我只是想鼓励吓大家唔好因为俾人炒咗而绝望，唔好俾佢认知影响你嘅将来，路系要自己行，发掘多啲你认知以外嘅嘢，加油啊！」。

网民：以前卖鱼仲好揾

部分网民对街市行业的高薪感到惊讶，表示「卖菜有$1000/日？」，有人似乎熟行情，指「真系有㗎，高峰抢卖菜大家姐$1200-$1500都有」，甚至有人提及「以前卖鱼仲好揾」、「我知鱼档8万几蚊左右一个人」、「卖猪肉𠮶个$1500蚊呀」。然而，也有网民认为「唔算多$1000 x 26日 = $26k 仲要工时长及忙碌」。

网民：辛苦钱嚟

不少网民指出，街市工作虽然高薪，但「系好辛苦钱嚟」，需「返12个钟，要负责叫场『埋嚟睇埋嚟拣』」，而且「每日由早上6点做到晚上7点」，强调「街市卖乜都唔容易。都系要付出劳力嘅」、「卖菜卖冻肉系体力劳动辛苦工，唔系人人做得嚟」，并指出「卖菜散工真系有$1000日，但咩假期福利都冇，仲差不多企足12小时，同埋散工系未必返得足工的」。

尽管如此，许多网民对楼主表示支持，认为他的分享「讲下行程天冇绝人之路」，鼓励大家「睇下个人心态肯唔肯放下身段啫」、「塞翁失马，焉知非福，真系天无绝人之路⋯⋯个天关一道门，自然打开另外一道门！最紧要正面思想🍀和肯做，人最重要感恩自己拥有健康身体！」。

另有网心好奇「想知楼主卖嘢食，一日揾几多？」，获楼主大方自爆「每日4-5千（咩都未扣）」。

资料来源：facebook群组「裁员炒人消息关注组 🔥🍳🦑 」