80岁伯伯永不言休 日日返工用电脑 网民洞察世情 分析「八十后」职场心事｜Juicy叮
发布时间：15:41 2025-11-18 HKT
在职场打拼，不少年轻人都以提早退休、「叹世界」为目标。有年届八旬的伯伯永不言休，每日精神奕奕地上班，用电脑处理复杂工作；反而有30岁的打工仔却梦想立即过上退休生活。
这种强烈的对比，引发了一场关于工作与人生意义的网络热议，不少网民洞察世情，细意分析了年长一辈「八十（岁）后」的职场心事。详情见下图及下文：
80岁伯伯永不言休 日日返工用电脑 网民洞察世情 分析「八十后」职场心事逐张睇↓↓↓↓
楼主：唔明点解佢唔退休叹世界
楼主本月13日在社交平台Threads发帖，分享公司一件趣事，指「公司有个就嚟80岁嘅阿伯，行得走得好健康，仲识用电脑做啲advance（进阶）嘢。但唔系好明点解佢唔退休去叹世界，我而家未够30岁都想退休啦🤡」。
相关阅读：坐拥80万身家 月入2.27万打工仔豪言储够钱：以后花光人工叹世界
网民4大原因分析「八十后」心态
回应的网民洞察世情，把「八十后」伯伯坚持上班的心态分析得通透细腻，归纳出4大主因：
一、保持身心健康 预防机能衰退
许多网民认为，持续工作是让长者保持活力的秘诀。
•「一退就会体能、脑筋都退，又会无晒社交。」
•「佢咁先无咁易脑退化。」
•「你有冇谂过，佢行得走得又识用电脑冇同社会脱节，好大原因就系因为有返工？」
•「老人家叻唔叻唔再系讲钱，系讲健康。佢而家又健康又揾到钱，仲唔winwin（双赢）。」
二、寻找社交寄托与存在价值
有网民指出，工作能提供稳定的社交圈子和被需要的感觉，对长者尤其重要。
•「唔返工会觉得好闷，佢哋未必有我哋咁多兴趣、有咁多嘢想做。」
•「80岁个年纪，身边好多老友甚至已经走咗。结论就系返工，仲有一堆人陪下吹下水。」
•「每一个人都想『被需要』，佢讲得份工俾到佢呢个感觉，咪做落去啰。」
•「公司系佢嘅乐土，佢返工返得不知几开心。」
相关阅读：减薪4位数字转新工 中年打工仔一原因劲感恩 同路人：少5日大假都肯做
三、避免家庭摩擦 维系夫妻关系
部分网民则从家庭角度出发，认为上班是部分年长男士的「避风港」。
•「以前返工屋企嘢老婆搞掂，好多老男人退休冇嘢做，想帮手做下屋企嘢，唔合老婆心水就会嘈。揾到一个位置有粮出......唔使同老婆嘈，夫妻关系仲好咗。」
•「退休就要24小时对住屋企𠮶件，不如日日返工唔使烦。」
•「你打工为屋企，佢打工为唔想返屋企。」
四、两代人价值观与人生境界大不同
不少留言都点出，不同年代的人对「叹世界」的定义截然不同。
•「其实佢哋都唔明点解啲后生先啱啱开始返工就话要退休。」
•「人哋在自己身体最好最年轻最靓仔...的时候叹过世界， 所以45岁之后才揾钱挨世界。」
•「因为佢从心所欲不逾矩，而你仍未到而立之年，境界嘅嘢你而家未必明。」
•「因为你追求嘅嘢唔系佢想要嘅嘢lo（啰），人人对快乐定义不一嘅。」
资料来源：druzydoo＠Threads
相关阅读：亿元六合彩得主千字文解释仍返工？身份掀议 核对派彩纪录网民疑是「这位」↓↓↓↓
有自称两年前中了1亿元六合彩的人士，早前在网上发表千字文解释至今仍返工，过著普通打工仔生活的原因，帖文掀议备受质疑造假，在核对过往派彩纪录，有网民怀疑他的身份很可能是「这位」↓↓↓↓
该
