出动「夹钱机」诱儿子努力温习 考试100分可夹Ｘ次 港爸现身讲妙计理念｜Juicy叮
发布时间：15:31 2025-11-15 HKT
有港爸为鼓励儿子勤力温书，考试争取好成绩，特别花心思出动私家「夹钱机」作奖励，列明100分有5次夹钱机会。有网民大赞有谂头，并指为人父亲的懂得享受亲子乐趣，也羡慕其儿子玩得痛快开怀。
不过也有网民认为不应用金钱利诱小朋友温习考试。充满热诚的事主在回应栏有问有答，并阐述准备这妙计的背后理念。详情见下图及下文：
出动「夹钱机」诱儿子努力温习 考试100分可夹Ｘ次逐张睇↓↓↓↓
楼主：要谂方法令佢努力温习
楼主前日（13日）在社交平台Threads以「考试」为题，上载私家「夹钱机」短片发帖，留言指「话说阿仔进入考试周，做爸爸嘅点都要谂啲方法令佢努力温习。咁就同佢倾好：中英数常识每科，100分有5次夹钱机会、95分或以上有3次、90分或以上有1次。希望咁样可以令到阿仔会有好成绩。阿仔，加油呀💪🏽💪🏽💪🏽」。
「夹钱机」内放有花碌碌的钞票，当中有不同面值的港元，还有日圆。短片内夹到的正是一张日圆纸币。
相关阅读：葵青女童离奇钻入夹公仔机出货口 女子紧张蹲机前 网民吓坏吁报警
网民：意念新颖好有动力
不少回应的网民都显得相当兴奋，留言大赞：
•好有动力，一定得；
•几正，你个仔就好啦；
•其实几fun（乐趣）几新颖嘅idea（意念）；
•单系屋企摆部机已经赢唔少人，明明件事咁有趣；
•好夸张！我都想屋企有部机可以夹🤩，唔使出去嘥钱俾N记冒记T记；
•其实我觉得几好，小朋友的确会上进，因为你提供了诱因，总好过父母讲读好书，将来点点点。
楼主回应称「希望佢（儿子）会开心」、「每个家长都系谂尽办法，令小朋友学多啲知识，思考多啲，令自己人生快乐」。
就著「夹钱机」的设置，楼主接著解画，指「本身就系谂住悭啲钱喺屋企玩，点知喺屋企学到啲技术，练习完，又想出去挑战。所以结果都一样出去课金😂😂」、「本身部机原装返嚟系十次有一次实爪 ，我冇调校过佢。再这佢（儿子）夹唔到，一定会叫我摆位，放喺洞口。到时佢轻轻夹一夹就攞到啦」。
有网民持相反意见
不过，也有人持相反意见，批评：
•不要用金钱推动任何事；
•教坏晒，用钱利诱小朋友温习考试；
•有专家讲过咁样会令小朋友为咗得到奖励去考试／温书，会丧失本身对𠮶件事嘅兴趣，之后表现会下滑。不过小朋友有咁有趣嘅父母系开心嘅；
•读书有钱去做鼓励，我父以前就是这样，害我有扭曲金钱的思维，我到大了，才发现这行为有问题，影响信念系统，影响有错误多巴胺机制，我不会教下一代这种努力温习的方法；
•个仔如真材实料付出考出好成绩，点解唔用正面直接嘅奖励方式去认同佢？而系用埋啲靠机会彩数，赌博嘅形式去奖励佢？
相关阅读：大埔夹公仔店指控教师「偷」公仔遭闹爆 网民睇CCTV还原真相：输唔起唔好开！台主：真心希望客人享受夹公仔乐趣
楼主：呢个系额外玩嘅游戏
面对不同的声音，楼主虚心地面对批评，表示「收到你嘅资讯👍🏽👍🏽咁我哋又要再谂啲新方法拎去努力学习」，并作进一步解释「好成绩一定有直接奖☺️☺️，呢个系额外同佢玩嘅游戏😊，其实系可以用技巧去取胜」。
有网民于是通透地综合事件，指「儿子：玩得开心」、「老豆：享受亲子乐趣」；「仔：唔使钱可以夹公仔，仲可以同fd（朋友）晒命屋企有夹公仔机，真系夹到仲有零用」、「老豆：有亲子乐趣之余可以鼓励啊仔温书，试当俾下甜头都几好」。
另外，有人则主力就「夹钱机」作热烈查询，想知道「呢部机可以喺边度买到，谢谢」。结果得网购的答案，并指「一部其实好平，争在屋企有无位摆」。
资料来源：norijosin＠Threads
相关阅读：红磡夹公仔机惊现「旺旺仙贝」 一铺竟收费「咁多」 网民震惊：智商税？！↓↓↓↓
网络热传红磡有夹公仔机，竟以一包包「旺旺仙贝」代替公仔，供玩家挑战，洞口档板更设有两条索带，增加玩家夹走的难度，惹来网民热议↓↓↓↓
