减价时段仍收正价 将军澳街坊追讨5元差额 菜档辩称刚换价钱牌 职员出一招企图打圆场｜Juicy叮
发布时间：15:42 2025-11-04 HKT
有将军澳街坊于坑口街市一菜档买菜时，在减价时段内仍被收取正价，本来是15元两份的，却收20元两份。公道的楼主向菜档追讨差额时，还被对方以价钱「牌啱啱先换」为由反驳。在楼主据理力争下，菜档职员竟出一招企图打圆场......详情见下图及下文：
减价时段仍收正价 将军澳街坊追讨5元差额 菜档辩称刚换价钱牌逐张睇↓↓↓↓
楼主详述有菜档唔老实
楼主10月29日在facebook群组「将军澳主场」上载相片作出控诉，指将军澳坑口有菜档做生意「唔老实」。楼主讲述事发经过时指——
「今日我买咗2份菜15蚊，我俾咗张100蚊出嚟，阿姐竟然只系找返80蚊我！我即刻问阿姐：『唔系话15蚊2份咩？』阿姐就话：『个价钱牌啱啱换咗咋。』跟住个男嘅仲要加把口话：『你买𠮶阵未换，我哋啱啱先换㗎。』我心谂：明明就系见到个价钱先买㗎！我直接同佢讲：『唔系嘛？唔系啩？个牌你唔系啱啱换㗎㖞！』」。
楼主续称「之后阿姐打圆场，叫我拣多份菜，话20蚊3份㖞。但我真系唔想要3份啰，最后佢只好找返5蚊俾我。点解街市成日都俾人感觉系唔老实呢？明买明卖，老老实实做生意好难咩？瞓唔醒嘅人真系唔好落街市买嘢呀！你唔好同我讲『5蚊之嘛，咁平就算啦』，5蚊唔系钱咩？你试下去街市买嘢欠5蚊呀，睇下有冇人会同你俾埋！」。
有回应的网民力挺楼主，指「我谂好多人都有呢啲经历，唔使俾面佢哋，大声闹佢，以后唔会再帮衬」；另有人称列入「黑名单」认住，「以后唔帮衬佢，咩仇都报返」。
相关阅读：香港仔大叔买啤梨嫌唔甜 10日后携梨退货 职员无奈 以这「4字词」教食啤梨
网民街市常遇找错钱
接著，不少网民自爆在街市遇上的被揾笨经历，当中不少案例是找错钱：
•我试过俾张50蚊佢话我俾咗张20蚊；
•我上次俾张100蚊佢佢话我俾咗50蚊佢；
•十几年前已经系咁，俾张50o蚊佢话我俾张廿蚊；
•我上次买菜买到要报警，我俾张100蚊佢，佢话我俾咗50蚊佢，最后入去控制室睇闭路电视都睇唔到，但之后一日𠮶个档主就赔返钱俾我；
•试过俾$100，找钱。但系其中一张系人民币10蚊，当20蚊找，仲要系夹喺中间俾你；
•牛池湾露天街市有个卖菜都系咁，所以我一定会企定数清先行开，一步都唔会走。一唔啱立即大声，等佢无得赖。
相关阅读：沙田菜档老板爆卖菜好揾 揭街市「咁高」日薪请人：「肯做有几层楼收租！」
另外两个例子则与椰菜和韭黄有关：
•都唔够土瓜湾街市唔老实，我买5个椰菜，居然收我$99蚊，然后俾$100佢，佢又唔找钱，1蚊胶袋费，然之后我傻吓傻吓返到屋企，屋企人先话点解咁贵？
•我都试过，呢档买韭黄，$8/4两，我见太少，就买够$12，点知阿姐扮加咗一执落去，到入袋时再拎一执大执出返来 （即仲少过原先$8） ， 我见到即刻话佢唔可以咁唔老实！ 阿姐话返我俾多我！我即刻拎返钱唔帮衬！虽然久唔久先买一次餸，客系生，档口系死，唔使咁样呃生面口客人，唔食一餐都唔会死！
资料来源：LG Ling＠facebook将军澳主场
相关阅读：荃湾街市惊见「同归于尽」菜价 3斤菜标「这个价」震惊网民：天哪，这物价！↓↓↓↓
有网民在荃湾街市惊遇菜档高调挂牌，标示「同归于尽」的菜价，引起网民关注，不少人感震惊：「天哪，这物价！」「比深圳便宜！」「求定位，真系抵呀！」↓↓↓↓
