巴士收款机故障车长表示「唔使畀」 全车乘客1行为尽显港人高质 目击者惊赞：冇一个人走数！｜Juicy叮
发布时间：13:31 2025-08-25 HKT
有网民搭巴士罕有遇到两部收款机同时故障，车长虽向上车乘客表示「唔使畀」，但全车乘客最终却无一人走数，目击网民惊赞港人高质：「香港人嘅高质有时系喺小事到反映出嚟！」
以下为事件经过：
巴士收款机故障车长表示「唔使畀」 全车乘客1行为尽显港人高质 目击者惊赞：冇一个人走数↓↓↓↓
有网民在社交平台发帖表示，返工搭巴士时，「一上车司机就话：『八达通机坏咗，隔离部机 (即系比credit card / xx pay𠮶部) 都坏埋』」。巴士上两部电子支付的收款机同时故障，情况罕见，这时巴士车长向上车乘客表示：「大家上车得喇！唔洗畀！」
楼主表示，当时现场乘客未有因此占便宜，反而「好多人问司机：『如果畀现金一程几钱啊？』」，乘客均自律以现金付款，至于现金不足的乘客竟亦有其他人帮手代付：「最后出现嘅画面系：有现金嘅畀现金；冇现金嘅前前后后乘客话帮手畀住先，听日等车见到先畀返佢。」
「冇！一！个！乘！客！有！走！数！」
至于身上没有足够零钱的乘客，「有啲冇散纸嘅，前前后后嘅乘客话可以帮手唱，又或者系：「我加埋你 / 我加你加埋佢够畀，你入钱，我地畀返钱你。」楼主惊讶地发现，最后「冇！一！个！乘！客！有！走！数！」，虽然因此巴士须因乘客掏现金要稍为等候才开车，但楼主说：「虽然因为等大家畀钱......嘅时间耐咗，但我愿意为呢件高质事件而等待。」
楼主在回应网民时强调，乘客付款为自发行为：「其实司机一上车已经讲咗唔使畀，系乘客自发畀㗎，司机冇要求过要乘客畀钱。」
其他车长亦分享港人高质事件
网民热议事件，有车长留言其实亦遇过这类港人高质事件：「真，香港人高质，做pt车长时试过坏哂机无车换，站长叫照行走转义载，行咗三四个站八达通机突然得返，有乘客见到无叫其他人，自己默默走上黎嘟返，跟住其他乘客听到声 好多人一个个行上黎嘟返，上层都走落嚟都嘟返先落车。」
该车长表示虽然当时并非「全部人嘟」，「但无人叫嘅情况下 大约七、八成人嘟咗，系香港人嘅自律。」
有网民亦表示，这情况「早几年试过，大家都肯畀钱......好多人都话『搭条线咁耐，无理由要司机难做啦』......」
有网民亦谓，曾遇过「八达通机坏咗」，「司机都系话：照上得喇唔使俾，上到车揞散纸比钱，司机猛话唔使，但我都系照身上有几多就比几多！有啲乘客话唔够争几毫子，有啲就话我可唔可以明天补返！」
网民纷纷留言认同楼主看法：「香港人嘅高质、自律，唔系流㗎。」「真，香港人系好唔钟意欠人嘢/占人便宜嘅感觉。」「真系，香港人先咁高质！」
来源：shhh.yanyan＠Threads
同场加映：罕见「意外」搭巴士遭扣款两次？事主发文警世吁小心用一随身物「嘟钱」引议↓↓↓↓
