A货「卢海鹏」逼大肚婆港铁让座 隔离位让座拒坐 女事主：佢指著我系要我让｜Juicy叮
发布时间：10:39 2025-08-20 HKT
网络昨日（19日）疯传一名貌似知名艺人「卢海鹏」的长者，在港铁逼一名大肚婆让座，女事主嬲爆大控诉，指当时隔离有人让位，对面亦有空位，但该长者仍拒就坐，并「手指指我......话我后生要我让......话呢个位系老人家坐！」
这位孕妇与A货「卢海鹏」争执掀起热议，由于女事主称本身「未见肚」，在要求让座后，才解释怀孕，而该长者亦声称「无人知你大肚」，网民对事件反应两极。女事主拍下当时争执过程如下：
A货「卢海鹏」逼大肚婆港铁让座 隔离位让座拒坐 女事主：佢指著我系要我让 ↓↓↓↓
该名怀孕女事主昨日（19日）在社交平台发片发帖表示，她搭港铁当时坐在关爱座，「本身怀孕初期未见肚亦唔想讲」。
女事主强调关爱座绝非专属座位：「但我唔觉得大肚先坐得（关爱座），就算我好人好者，有唔舒服有需要坐，使唔使向你解释？」
她表示，当时「插住airpods」，跟住见到该长者「手指指我」，她除下耳机，即被该长者指责，「佢声称问咗我几次......我隔离位起身佢都唔坐，话我后生要我让，对面又有人起身又唔坐，话呢个位系老人家坐。」
女事主表示，当时「我不停讲我唔可以有需要？？最后先忍唔住讲系怀孕」，该长者反驳「话冇人知」，女事主批评：「我点解要话畀你知？？」该长者继续指责她「话要坐一定要有理由，因为呢个系老人座」，女事主嬲爆说：「佢话问就一定要答，咁恶嘅啲废老。」
女事主：「我依家好惊呀！」
女事主公开当时双方争执的影片，片中女事主拍著该名貌似「卢海鹏」的长者，大声说道：「我就大肚嘅，依家呢个人就大大声指住我，逼我让座，我依家好惊呀！」
该长者即指著她大声反驳：「无人知你大肚，唔好乱咁噏，无人知你大肚，你未话畀人知道！」
女事主再说：「你睇吓呢个人几恶呀，啲废老就系咁样！」
A货「卢海鹏」：「无人知你大肚，你未话畀人知道！」
该长者闻言反驳道：「人哋只系问你啫，一啲都唔恶！你恃住咁嘅样，唔怕，你认清楚啦。」
女事主未有理会他，镜头转拍身旁无人坐的关爱座说：「（佢）手指指呀，同我讲呢个位系老人家先可以坐呀！」
该长者继续申辩：「唔紧要呀，你无讲到一样嘢，人哋问你......」
女事主：隔离姨姨都忍唔住讲「其实我都让咗畀你啦」
女事主其后在帖文中反驳，指有网民认为「我未见肚冇人知，叔叔问下好正常」，她强调，当时在她「解释」自己是孕妇前，其实「隔离位已经起身，但叔叔坚持要我让」。
「解释后叔叔都唔卖帐，先会发生对骂，连隔离姨姨都忍唔住讲：『其实我都让咗畀你啦，人哋真系无必要向你解释。』」
此外，女事主亦重申：「我唔觉得孕妇先坐得......只系我有位咪坐啰！到你批斗我时我亦真系有原因，正如叔叔都睇唔到几有需要，都觉得自己好需要呢个『老人专属座』。」
网民反应两极：你唔讲清楚 点知你有需要坐？
事件引发热烈回响，网民反应两极，部分网民认为该长者不知道女事主怀孕，当时只需解释便可化解纷争：「其实同佢讲声自己怀孕唔舒服要坐就可以，唔需要动气劳嘈，更加唔需要拍片摆上网。」「写住「优先座」，老人当然有优先权，你大肚冇人知，人哋问你你唔应。」
「你唔讲清楚人哋又点知你有需要坐呢？ 下下都攞手机出来录影拍片只会令到冲突升级，根本无助解决事情。」「可以讲一句，话自己唔舒服需要坐就可以，你一句声唔出都唔见得好有礼貌。」
女事主：有需要坐，想坐咪坐，冇咪企啰！好简单！
女事主回应表示，当时插住耳机「听唔到」，「都系靠佢手指指先知同我讲紧嘢」，她重申未解释前其实已有空位：「你(指该长者)亦已有位坐，点解要逼我向你解释，我为咩坐咗个老人坐？」「我强调咗关爱座唔系孕妇先坐得or特定某人先坐得」，「有需要坐想坐咪坐，冇咪企啰！好简单！」
女事主又表示：「系佢唔放过我，我先会拎电话出嚟影住，我保障自己。至于需唔需要放上网，唔到你评论。」
网民：不如取消关爱座/ 优先座，成车满晒啲人又唔敢坐
部分网民则力撑女事主，认为关爱座不是强制座，有需要有位便坐，无需要向人解释原因：「点解要同佢讲有BB，楼主已经讲咗有需要。」「点解要同人交代自己身体状况？」「可能要印件tee写住孕妇。」
有网民亦表示曾在怀孕时亦被长者逼让座：「我都试过怀孕初期俾个废老指住我，闹我唔读书又乜乜77，我系唔让呀你吹咩？」「我依家都36周，有关爱座我一定会照坐，我都想睇吓有冇人够胆嚟挑我机。」
有网民又建议取消关爱座：「其实不如取消关爱座/ 优先座，有时成车满晒啲人又唔敢坐。」
来源：_iwtpag__＠Threads
同场加映：「香港啲优先座对老人家还有效吗？」带80岁父北上公审东铁2女不让座 港女感叹掀争议 网揭关键谬误↓↓↓↓
