无企正巴士站截车 将军澳女乘客上车后竟发恶 疑向车长掉饮品 躁女结局惨惨全车鼓掌｜Juicy叮
发布时间：15:46 2025-08-07 HKT
将军澳一名被指无企正巴士站截车的女乘客，上车后竟发恶与车长发生争执，并疑在盛怒下向车长方向掉饮品。但因为躁女在事件中的惨惨下场，全车人鼓掌。详情见下图及下文：
无企正巴士站截车 将军澳女乘客上车后竟发恶 疑向车长掉饮品逐张睇↓↓↓↓
楼主：争执其间将手中饮品掉向车长方向
楼主早前在facebook群组「将军澳主场」上载长逾1分钟的短片发帖，指「事缘就系呢位大妈和同行另一位轮椅人士冇企喺正站截车，车长都好好开门俾佢，好心问佢去边度，惊佢搭错车。佢话去播道（书院），然后上车佢就开始Ｘ车长，话咁落雨吖嘛bla bla bla（诸如此类），发脾气大大力丢自己个车仔，再老屈车长触犯残疾歧视条例」。
楼主续指，背心女「争执其间仲将手中饮品掉向车长方向，中途有位正义哥哥喺上层冲落嚟收佢皮，大妈欺善怕恶，最终败走，全车鼓掌」。
片中所见，涉事巴士为往来将军澳工业邨及尖沙咀（东）的796X线，短片没有拍足事件的全程，开始时见穿拖鞋及短裙的背心女，与车长已展开骂战：
•背心女于轮椅位大闹：X你老XX吖。
•车长：哗，你愈讲愈严重，我报警喇，唔好讲啦唉！
•车长边说边落车。
•背心女心急行向车头方向，面向巴士车门骂街：你报咩警呀？边个唔啱先呀？系你唔啱先个㖞，先生！......你而家咩态度呀，你打工唔系咁Ｘ样呀！
•在车上的背心女边喝出一声「下！」后，边向已落车的车长方向投掷手持的黄色饮品。
•背心女接著一口气大闹：X你个街呀！X你老X臭X吖！即刻打去投诉！
•接著，背心女左手从牛仔短裙后袋掏出手机在手上转了一圈续骂：哗，真系......下......火都嚟埋啊真系！
由于巴士因事件停驶，两人争持期间，见到上层乘客陆逐走落下层了解情况，有人更疑似索性落车。
相关阅读：巴士车长乘客疑冲突双双倒地 齐齐影帝上身碌地扮被撞？目击者：你自己诈谛跌咋，我做证！
楼主：车长同我哋讲唔好意思
楼主在回应栏补充：「车长同我哋讲唔好意思，全车人撑车长，大妈话会打去投诉，我睇吓send（传）返条片比城巴做证先」、「佢以为屈车长残矦歧视，其他乘客一定会帮佢」、「好彩而家多咗正义乘客识分是非黑白，撑车长」、「司机态度好正常呀，所以有啲大妈癫起上嚟真系癫㗎，莫需有㗎」。
有回应的网民建议「要请个保安系巴士跟车啦」、「高铁、飞机有黑名单，巴士要谂下机制又或者请个保安跟车」。
网民期待睇背心女败走一幕
由于楼主没有拍摄到背心女败走一幕——「中途有位正义哥哥喺上层冲落嚟收佢皮」，不少网民指「好想睇佢被收皮𠮶段」、「好失望睇唔到精彩部份」、「不如你口述下点样收佢皮……好想知」、「冇咗收皮𠮶段你话笛子魔童过嚟夹走佢都得啦」、「又话有人叫距收皮嘅，𠮶个大妈咁大只吓亲个司机啊」。
楼主于是自责地回应「影唔切，只系影到部分」、「系啦，我又挂住食花生影唔切」。另有人笑言「粗口女人成件事最后悔应该系癫完发觉无咗杯冻饮」。
资料来源：Man Man＠facebook
相关阅读：巴士阿叔拒折BB车大战女车长 女车长叹好人难做：我等埋你仲Ｘ我老母 最后咁处理↓↓↓↓
有巴士女车长好心等追车的阿叔上车，未料阿叔上车后竟拒绝折起携带的BB车，疑阻塞通道，更不断以粗口骂女车长「服务态度差」，女车长大叹好人难做：「我够钟开车㗎啦，我等埋你，你仲Ｘ我老母！」。事发的影片在网上流传，全过程如下↓↓↓↓
