35岁前置业到底点做到？ 业主网民分享心得 有人俾$500落订买地铁上盖楼｜Juicy叮

有无壳蜗牛向网民请教「35岁前置业到底点做到？」，不少业主网民热心留言分享自己艰难的上车心得，疯狂返工只是其中之一，其间有人提到一件令人佩服的买楼事件，指有同事当年俾$500落订，即买到地铁上盖物业。详情见下图及下文：

35岁前置业到底点做到？ 业主网民分享心得 有人俾$500落订买地铁上盖楼逐张睇↓↓↓↓

楼主昨日（4日）在社交平台Threads直截了当发帖，向网民发问「好想问下35岁以下已经拥有自己一间屋嘅人，你哋到底系点做到！？ ？？」。楼主续指「可唔可以老老实实分享分享？我想知点解自己咁垃圾，连一个月拎1万蚊租屋都冇胆，但人哋已经做埋业主」。

相关阅读：$500万买200呎单位 供楼供到80岁 单身中女因一凄凉理由置业 网民心酸

90后业主们畅谈上车之路

35岁是1990年出生，楼主询问的是90后业主们。回应的网民倒真是掏心掏肺地讲自己、又或是身边人的年轻上车之路：

•网民A：做生意，疯狂返工，返到连假都唔放，一星期7日都系返工，就算夜晚返到屋企都系继续做嘢，做到凌晨，倾公司嘢倾到天光，第二日都系照常返工，早几年抽居屋，第一次抽就中。

•网民B：我买第一层楼系23岁，仲要系失婚拖住两个小朋友，那段日子到小朋友成年之前，除了返工就是返工，再之后𠮶10年，报复式旅行（一年5至10次），其实做唔做到都系睇你够唔够决心。总结嚟讲，如果冇父母帮手，只能够努力工作，努力悭钱。（31岁换楼、其后买过的士、再继续买楼卖楼，到依家继续努力工作同努力去旅行）。

•网民C：老老实实答你，无任何父母干，我哋两个27、29岁各买一间收租楼。简单嚟讲系要取舍，人哋去玩去叹世界嘅时候，我哋返parttime（兼职）储钱，再慢慢自己做稳阵投资滚大嚿钱，当中系包含好多辛酸同心血。创业𠮶时系好多时唔瞓、生意好又要好天收埋落雨柴，亦都要不时覆盘与时俱进先长做长有唔怕被社会淘汰。

•网民D：24岁毕业第一份工1.3万元，半年跳朋友间公司1.7万元，再过年半揾咗份2.5万元。返工其间做埋pt（兼职）有3万，每月俾5000元屋企，之后加到连pt当3万5，自己死悭烂悭。放假一pt无论咩都照返，28岁唔够储咗80万元，买咗层400几呎旧楼，300万元，行8分钟到新界某西铁站，40万元首期入得去住。25万元装修，宜家供万1蚊，揾紧5万、6万其实唔难，睇你有无心。

•网民E：其实有数可以计，系绝对可以做到。假设毕业23岁开始出嚟做嘢，由月入$16000，每月储$5000，1年储$6万，10年$60万，都系33岁，买楼花俾一成首期，银行楼按七成，两成发展商，仲可以拣供30年，10年人工都会加啲。

•网民F：我分享我同事嘅劲嘢。佢而家应该都系35岁咁上下，做秘书仔人开头1万蚊，佢一出嚟做嘢就好悭，2008年股市跌到好甘，20几岁嘅佢储咗啲钱，当年银行压力测试无咁严，佢俾500蚊同业主落咁个订金就买咗地铁上盖楼。
跟著10年都租出去cover（遮盖）返个供楼，而家收返嚟住用咗50万装修，跟著都差唔多可以属返层楼啦。不过佢话20几岁嘅时候真系悭到连屋企人都叫佢唔好咁样，但佢话个阵睇钱好重，有钱比一切都开心，而家完全有自己层楼就识享受。
佢真系我真心佩服，虽然佢知如果自己搞唔掂屋企人都会帮，但最尾都靠自己搞店咗，仲有钱去帮细佬创业。大家都系打工仔揾万零2万，佢提早完成咗个task（工作），我细个净食买嘢去旅行乱fing（洗）。

•网民G：买屋系天时地利人和。20年前25岁，开始月供基金储钱，点知金融风暴，锁死20年，无咗25%。后来竟然意外地认识了理财顾问，建议我取消户口转另一个计划，可以自由取钱，果断转会。适逢薪金增多，储款加码。

•网民H：34岁开始睇楼，主力选九龙湾大型屋苑，期间楼价狂升，升到改选更实惠但交通略不便的屋苑。然后，睇中咗的楼竟然业主突然决定唔卖。。。经纪将未公开的靓盘介绍俾我哋，好正。

•网民I：35岁从户口取出首期金额，加上老公的薪金通过抗压测试，成功做业主。层楼试过升到过40%，依家又跌返晒，好彩供咗一半无负资产。

•网民J：当你30岁月入中位数3万元，两公婆都6万元，月储2万元唔系好过份。3年应该储到72万元，400万元楼储40万元连杂费装修当70万元，月供$1.5万其实真系好轻松。仲有钱去旅行，当然你话又要地铁上盖又要新楼就咁无计，人无钱就无咁多选择。

•网民K：我33岁买楼，所有钱自己俾，之前一直都系住娘家（有俾家用），本身唔好名牌，除咗保险无咩大钱要驶，每年有去旅行但唔系5、6次咁多，所以易啲剩钱。

•网民L：我当时系27岁咗右已经做到，当然一开始系同屋企人联名买楼花，跟住楼市升得好快，半年后收楼，屋企人就同我讲不如卖咗佢，分钱之后叫我自己独立买一间收租当供楼，自己当时就同阿爸阿妈住啦！ 讲真，𠮶半年时间系我呢一生人最悭最悭嘅时间，又要供半份楼又要俾家用，返工带饭，夜晚上完堂都拿拿声返屋企食饭，因为要悭钱，但系呢个回忆好深刻。

•网民M：90后，身边嘅朋友早几年置业 99%都系以下情况：1. 父母干、2. 同另一半夹份、3. 读书好叻一毕业做专科 （月收入起码5万蚊以上）、4. 同兄弟姊妹夹份。

•网民N：一系就人工好高，一系就好早结婚两个人供，一系就屋企人有，黐住屋企住冇负担嘅，自己唔去玩又唔使钱，咁咪可以供楼。十几20年前买𠮶啲楼都赚咗钱啦。

•网民O：24岁，日打3份工，日做17个钟，储5年钱，29岁终于买到。

•网民P：第一份工做银行3万月薪，买下股票，补下习好快买第一层楼。

•网民Q：我系35岁以下，买咗楼两年，当年辛苦地储个首期，之后就慢慢供。

•网民R：啱啱出嚟做嘢，有入息证明，屋企俾六成首期，就拥有第一间屋。

相关阅读：22岁港女何文田买1千万楼 隐形富二代「一原因」拒靠父荫：「我仍要孭15年房贷！」

网民：90后唔细㗎喇 有楼唔出奇

有网民则为「90后唔细㗎喇，有楼唔出奇，争在咩楼，有豪宅个啲先系例外」。另有人称「睇完上面嘅成功例子，全部前提系住屋企储钱。我18岁就搬出嚟住，交完租都所净无几，冇买到楼，但系好自由」。

网民提醒：唔好同人比较

还有人提醒楼主：

•唔好同人比较，无意义的。

•人比人比死人。唔好同啲劲人比，因为佢哋嘅运气指数、家底资源都同你好唔同！反而我觉得你应该提升自己技能同技术，做到专一极致，提升自己喺𠮶个行业嘅竞争能力去到佼佼者嘅程度，钱银就可以滚滚而来！限定自己在35岁之前就需要置业，呢一个系一个思维嘅框架，希望你唔好局限咗自己，可能你在35岁之后买嘅楼比人哋仲平仲抵仲大呢！

•如果要认真讲嘅话系努力增加自己嘅主要收入，确认自己嘅行业系可以比你用努力换取更加金钱。 之后就系一个切实执行嘅储蓄计划，再跟住就系第一间屋唔好谂住一下就要最好，系有限范围内负担到就可以去马。

接著有网民精警地分析：「佢哋最年轻有力嘅时间乜都唔玩、唔用、唔食，换一个几百尺单位返嚟。你喺年轻最活力嘅时燃烧自己嘅生命活在当下，未来无人话得埋，但两边生活不应比较，正如你嘅能力系月入7万、8万，但你唔买屋选择享受。一年收入系人哋嘅3倍，佢哋月入永远不过三两万，选择死悭死抵首付买楼后供多30年至退休仍然系3万」。

资料来源：colojsk_o＠Threads

相关阅读：930万首期6成按揭 豪宅男盘点「十年楼奴」成绩叹悲惨：「好似供咗一场空！」↓↓↓↓

有港男十年前付930万元首期买豪宅，他做六成按揭加发展商2按，今年中，他盘点当了「十年豪宅楼奴」的成绩，数据公开后掀起网民热议，他自叹：「悲惨嘅地方就系，十年过去，好似供咗一场空咁。」但就表示买楼仍有优胜之处。事主公开十年内各项供款明细，与及相关资金的可能投资收益等数据，细节如下↓↓↓↓