超市换蛋恶行进化版？ 长发女咁样砌大袋番薯 网民见过仲夸张：一枝枧液倒满另一枝｜Juicy叮
发布时间：13:37 2025-08-01 HKT
超市换蛋恶行惊现进化版。一名长发女子怀疑在超市内砌大袋番薯时，被其他顾客撞到正。网民闹爆「一袋价钱并够一袋半」之余，似乎见怪不怪，有人抖出更夸张的情况，自爆曾目击有人「将一枝枧液倒满另一枝然后攞去俾钱 」。详情见下图及下文：
超市换蛋恶行进化版？ 长发女咁样砌大袋番薯 网民见过仲夸张逐张睇↓↓↓↓
相关阅读：超市贵气妇人以貌取蛋？ 擅开包装系咁摇 网民嬲嬲：俾个灯胆佢照下
楼主：我睇佢唔系换 系砌大袋啲
楼主7月30日在社交平台Threads上载相片发帖，指「之前见到大家post（发帖）出嚟，话啲人喺超市打开包装换嘢，讲真，我未见过…直至今日…我睇佢唔系换，系砌大袋啲。C9（师奶）…你跌咗嘢，跌咗个公德心呀！」。
相中见到长发女正堆首选购番薯，推著的购物车上放著一包袋口被大大打开的番薯，长发女双手则正在打开货架上另外一包蕃薯。不过，相中没有实际见到砌大袋番薯的过程，虽然如此，有网民从楼主的描述，形容此举为「现实版——鬼鬼祟祟偷番薯」。
不少人也排队闹爆「咁不要脸」、「咁贪心嘅」、「咁系偷嘢㖞」、「砌大袋啲＝偷」、「同偷有咩分别」、「下次一律拍片」、「一袋价钱并够一袋半」、「「唔系呀嘛⋯⋯番薯⋯⋯」、「佢应该重觉得自己好Ｘ醒」。
有人感慨「𠮶几蚊嘢…唉」、「换蛋见得多，咁样做又未见过」、「值咩钱同食得几多吖番薯，折堕到咁」、「佢咁㗎！呢啲番薯好平咋㖞。咁都做得出」、「⋯⋯番薯咋㖞，大佬，番薯都要搞成咁，番薯自己种可以免费添」。
相关阅读：沙田长发女擅开包装拣蛋 调来调去、摸来摸去 被发现后竟然咁反应
网民：换下换下其他唔够重
有网民则奇怪现场「无职员？应该算盗窃？」，楼主回应指「冇呀…啲职员喺晒收银位」。有心水清的人更加细心地分析「如果这样换，换下换下，其他包装食物会唔会唔够重量，这样超市或产品公司随时俾人告呃重量」。
不少网民自爆曾在超市内目击类似恶行，称「我都见过」、「我见过，换鸡蛋」、「之前系沙田ＸＸ见过」、「有啲阿婆现场摘晒菜先买」。还有人自爆「我见过人喺旺角ＸＸ换橙，拣啲靓嘅入自己个袋」、「见过有人打开两盒蛋，然后拣晒大只啲组成一盒买走」、「我喺超市见过有人将一枝枧液倒满另一枝然后攞去俾钱 」、「我喺屯门ＸＸＸＸ都遇过咁嘅人，即场揾啲职员笃Ｘ佢」。
网民：呢个C9唔系换系偷
有网民更详细讲述所见所闻：
•见过ＸＸ有一箱箱奇异果卖，有个阿姐盒盒都开下，将大只嘅放埋一盒，眼见有至少30盒，佢全部都开过；
•话俾职员知！我试过见到两个女人打开人哋袋车厘子逐粒拣，用鄙视嘅眼光望住佢哋，点知佢哋望一望我，继续⋯；
•我都见过，身光颈靓OL look（办公室女郎打扮），我话咁都得呀，佢仲答我系呀你唔知咩；
•我试过闹过一位上咗年纪阿姐喺太古ＸＸＸＸ换桃，佢话打开睇下，俾我即话佢，我见到你攞起个桃，个个攞过仲得掂。之后佢口噏噏话我咩；
•以前我只系见过啲人换蛋，打开其他盒将啲大只嘅换佢自己个盒细只嘅，佢买嘅数量系一样；但今次呢个C9唔系换系偷，超市有CCTV（天眼）可以报警拉得。
资料来源：for9talk＠Threads
相关阅读：太古城大妈超市放肆拣蛋 逐只攞嚟睇都唔够 网民因一举动看不过眼 提供买靓蛋不败妙法↓↓↓↓
太古城一名大妈早前在超市放肆拣蛋，被批评逐只攞嚟睇都唔够，网民更因为一举动相当看不过眼。有鉴于此，有精明的消费者慷慨地提供了一个必然买到靓蛋的不败妙法↓↓↓↓
