元朗港男八达通惨被盗用贼人靠一神操作「自动增值」逾百元再到便利店狂嘟$281｜Juicy叮

更新时间：11:34 2025-08-01 HKT
发布时间：11:34 2025-08-01 HKT

一名港男日前在元朗乘搭巴士期间丢失钱包，内里的八达通卡惨被盗用。贼人竟然靠一神操作，先行替八达通「自动增值」178.3元后，才到便利店狂嘟281元。详情见下图及下文：

元朗港男八达通惨被盗用贼人靠一神操作「自动增值」逾百元逐张睇↓↓↓↓

楼主上载交易记录截图

楼主7月30日下午在社交平台Threads以「拾遗不报」为题上载八达通App内的交易记录截图发帖，指「拎咗人哋个银包，用埋人哋个补贴，用埋人哋啲钱，个人八达通嚟㗎，有冇良心」，并附地点标签「朗屏巴士总站…K66线」（编按：K66为港铁巴士(新界西北)朗屏至大棠黄泥墩村）。

楼主在回应栏补充，「28/7唔见，入完$100落车就喺巴士度跌咗个银包，当时已经即刻cut（取消）卡，希望偷嘢𠮶条友睇到有返啲良心啦」。

交易记录直击贼人盗用过程

交易记录截图直击贼人怀疑盗用八达通卡的过程，当中见到楼主7月28日早上7时52分为八达通增值100元后，一直到当日晚上11时15分，有人拍卡领取178.3元「交通费用补贴」，17分钟后，于当晚11时32分于一间OK便利店狂嘟281元。

回应的网民也替楼主紧张，纷提醒尽快报警和报失八达通卡，有人强调「一定要报警，唔好嫌麻烦」。楼主留言表示已报警和报失：「28/7𠮶日已经报警同埋cut晒啲银行卡」、「唔见银包𠮶日报咗一次，知道佢用咗张八达通，再报多次」，并解释略迟报失八达通卡的原因——

「见好多人问点解唔即刻报失张八达通，其实我都有谂过，但系有少少赌嘅成份。喺巴士站行返上上层睇同问埋站长，见揾唔到银包𠮶下都估到俾人拾咗。就只系想睇下个人会唔会用张个人八达通，报警都起码知边个喺边度用咗。唔系鼓励大家好似我咁」。

另有网民留言指「香港系咁，你唔好以为好多好人」，楼主回应：「唔理系唔系好人，但一定系一个贪心嘅人」；还有网民好奇「OK买280几蚊系买咗啲乜」。

楼主附薄酬寻失物

在丢失钱包后，楼主已在Threads上载同款卡银包，发帖跟进情况寻找失物：

•寻失物帖文一（7月29日凌晨2时07分）：
巴士失物 #唔见银包。28/7朝早（7:50am～8:10am左右）喺蝶翠峰搭（K66）去朗屏站，喺朗屏站上层落车嘅时候跌咗个银包，浅啡色男士卡银包。身份证、银行卡、有相片、八达通同游戏卡，希望得到人士联络自己，薄酬谢谢！巴士失物 #唔见银包。

•寻失物帖文二：（7月29日下午5时08分）：
巴士失物＃唔见银包。28/7朝早（7:50am～8:10am左右）喺蝶翠峰搭（K66）去朗屏站，喺朗屏站上层落车嘅时候跌咗个银包，浅啡色男士卡银包。身份证、银行卡、有相片、八达通同游戏卡，希望得到人士联络自己，薄酬谢谢！今日查到有人拎咗八达通补贴，希望拎咗𠮶位人士交到警署，谢谢。巴士失物#唔见银包SECRID。

•寻失物帖文三（7月30日下午2时36分）：
28/7朝早（7:50am~8:10am 左右）喺蝶翠峰搭（K66）去朗屏站，喺朗屏站上层落车嘅时候跌咗个银包，浅啡色男士卡银包［SECRID］身份证、银行卡、有相片、日本交通卡、个人八达通同游戏卡！㖊日查到有人拎咗八达通补贴去咗OK（便利店）用晒啲钱。今晚会去警署报案，拾遗不报使用他人财物，希望拾到𠮶位人士仲有少少良心，请将所有嘢交去元朗警署。谢谢。

•寻失物帖文四（7月30日晚上7时29分）：
朗屏巴士总站…K66线，28/7喺早上7:55-8:10朗屏站拎咗人哋银行银包（浅啡色男士卡银包［SECRID］）𠮶位人士，希望你有返少少良心。钱你洗咗都算，证物好心你俾返人啦。