高薪护士港女惨变亲戚人肉提款机 被要求资助堂弟大额买楼首期 网民手把手教体面拒绝对白｜Juicy叮

有高薪厚职但工作辛劳的护士港女惨变亲戚人肉提款机，事主在网上大呻，在家族聚会饭局上，被叔叔当众要求资助堂弟买楼首期。网民对此大表同情，有人好心地手把手教路，列出体面的拒绝对白。详情见下图及下文：

高薪护士港女惨变亲戚人肉提款机 被要求资助堂弟大额买楼首期逐张睇↓↓↓↓

堂弟30岁四肢健全日日躺平打机

楼主日前在社交平台Threads以「情绪勒索」为题发帖，大呻家族聚会饭局变成「我嘅个人批斗大会」，指「叔叔无啦啦嚟料」，话「阿Ｘ，你做护士咁辛苦，实储到唔少钱啦，你堂弟争7万、8万首期，你做家姐嘅，资助吓佢，好应该啫」。

楼主续指「我当堂O咗嘴，个脑一片空白。7万、8万？佢讲到好似70、80蚊咁轻松。大佬呀，我啲钱唔系大风刮返嚟㗎！我喺医院轮N（夜）更，日日对住啲屎尿屁同生离死别，做嘢压力大到间唔中情绪崩溃。放假净系摊喺张床，连街都唔想去，咁样一蚊一蚊储返嚟嘅血汗钱，点解要我拎去俾一个30岁、四肢健全、但日日喺屋企『躺平』打机嘅堂弟买楼？佢凭咩呀？」。

楼主继续大呻：「我谂住点样婉转啲拒绝，点知我未出声，我叔叔已经黑口黑面，开始讲埋啲『你细个𠮶阵我哋几锡你』嘅废话。

楼主补充后续发展......

最令我崩溃嘅，系我老豆同妈咪。我望住佢哋，谂住佢哋点都会帮我讲句公道说话。点知，我老豆竟然话：『一场兄妹，唔好计较咁多。』」我阿妈细细声同我讲：『算啦女，唔好搞到咁肉酸，俾亲戚话我哋唔识教女，好无面㗎。』」

她称「𠮶一刻，我真系觉得好委屈，好似全世界都觉得我嘅努力系理所当然，而佢嘅懒惰就需要我嚟埋单」。楼主接著网民向网民查问「我真系唔识分，究竟系我太自私，定系佢哋亲情太廉价。我系咪应该为咗所谓嘅家和万事兴，就硬食呢啖气？」。

楼主及后在回应栏补充后续发展，「然后俾老豆老母Ｘ咗一轮」、「我个时话我谂谂先，过两日覆~啱啱whatsapp咗阿叔话我帮佢唔到了」。

相关阅读：嫌富贵亲戚奀派10蚊利是 网民感慨：冇钱人小心翼翼地大方

网民问是否真人真事 楼主咁答

不少回应的网民也感受到楼主的怒气，几乎同一个鼻孔般一同出气，留言获楼主接连现身回应：

•网民甲：今日俾得7万、8万。转头又4万、5万。再隔多排就10万8万。俾开就会焗你俾。继续情勒你。原来咁样做下你就会屈服科水。之后成班亲戚等你养㗎啦～就算你开金矿都顶唔到呢班亲戚。你父母𠮶度，我系你会之后情勒返佢。我系你女呀～自己个女都唔撑唔保护。原来面子紧要过自己个女～
•楼主：嬲咗。

•网民乙：都一场亲戚，梗系叫老豆老母俾啦，话晒佢哋系长辈，轮辈分排队都未到你。呢旧钱出咗门口，倒咗落水⋯⋯父母有咁嘅思想，你都要保护自己，亲戚朋友面前唔好讲太多钱银嘅嘢，钱都系留自己身边，有咩事自己救自己 。
•楼主：佢哋可能觉得帮得就帮啦。

由于事情太离奇古怪，有网民难免质疑是否「真人真事？」，追问无啦啦叫人送钱俾佢洗同乞儿有咩分别？」；楼主回应时则强调「唔真我po（发帖）嚟博人嚟闹我？」。

网民列得体地回应对白

因应事件，另有好心的网民细心地手把手教路，列明如何得体地回应叔叔的要求：

•简单讲句，叫佢无钱就唔好学人买楼，完。

•首先我觉得唔好俾件事影响自己心情，讲得呢啲说话嘅人基本上都好无耻，钱喺你手上佢哋吹你唔胀，或者你答佢我都好想买楼，不如你资助返我几十万。

•有时啲嘢，听咗咪算啰，唔驶咁认真，𠮶刻敷衍佢就算。就算阿爸阿妈开声都唔使理，钱喺你个袋又攞你唔到。不过你父母最好唔好耳仔软。借俾佢，最后问返你攞，就惨啦。

•简单，首先，唔使咁认真。之后就扮认真咁讲：「好㖞！我哋一于搞个家族基金，我夹8皮。嗱，我都8皮，你地俾我高一辈，又咁锡我，起码夹一球啦。打铁趁然，听日上律师楼搞好无？」佢唔收皮就奇！

•直接答：「无」，就可以了 。对方若再问，你就答：「我无欠你 。」父母若再加把咀，你就答：「不如阿爸／阿妈自己出钱帮吓人。何必慷人之慨，更何况系我啲血汗钱。」*记住要无尾音咁讲完，讲多几次，佢哋就唔会再问㗎嘞 。

•以后有呢啲亲友聚会，少出现或去街避一避，他们见少了你，会知道你唔太喜欢跟他们接触，就知他们不受你欢迎！另外，可以跟父母家人说，细佬无多啲嘅钱，真系唔好买楼住，依家大市不睇好，如果到时供唔起，又边个帮到佢！自己也想置业，储紧钱！

•最大体回答梗系答佢「无问题」。但系，要接住去开条件：「嗱，阿叔，我日日返通宵都唔简单，你资助我买车，我资助返表弟，我啱啱睇咗部电车，仲未买，你资助我20%啦，都系十零万」。咁佢就会去到两难，将佢令你嘅尴尬，自己尴咗先，就算佢应承咗，你都有赚。

另有网民经历了与楼主相类似的苦况：

•请你坚持自己原则：不想借钱就不借…也不用听亲戚闲言闲语！3年前，我亲戚移民卖楼，地产公司话用450万买，佢开到550万……（2012年入市约250万）……拖了1年，无人买……我阿妈叫我买亲戚层楼……当然我要高价买…我断然拒绝。最后亲戚已移英，为了避免高税，终于在移英1年内350万售出。

•N（好多）年前我一向同我亲生家姐去旅行，仲要次次都系我俾，有一次我返两份工，一日瞓2小时，同朋友去个韩国旅行，我妈同我表姐话：点解今次唔预家姐去？我话：我凭自己努力得番嚟，佢要去可以呀！自己赚钱，一系唔介意嘅你哋俾钱佢去啰！之后两个即刻收声。我细个俾人恰得多咩都哑忍，到搬出来住，受咗好多委屈先识保护番自己，你太善良了。

资料来源：kiss_tszching＠Threads

相关阅读：亲戚饭局唔想奉旨找数 改行AA制有阻力？ 网民讲解聚会埋单潜规则↓↓↓↓

农历新年亲戚聚头机会频繁。有网民2024年初发出一个家庭之间常常卡在喉咙却又不好意思宣诸于口的灵魂提问：「有时同亲戚食饭，发现佢哋唔会AA制（平均分担所需费用）？」。

回应的网民对此抱不同见解，有人乘机讲解聚会埋单潜规则、有人自爆家规发表意见、有人认为亲戚饭局AA制的最大阻力是来自......↓↓↓↓