短裙女港铁车厢内夸张撑伞 网民估有实际需要 知情者爆料欲言又止｜Juicy叮
发布时间：16:31 2025-07-06 HKT
网上流传一段港铁女乘客在车厢内担遮的短片，引起网民哗然。有网民估计有防晒或晾干雨伞的实际需要，但有疑似知情者在回应栏爆料，但又欲言又止，耐人寻味。详情见下图及下文：
短裙女港铁车厢内夸张撑伞逐张睇↓↓↓↓
楼主：落车都未见收遮
楼主本月3日在社交平台Threads发帖，指「开头以为佢身体有病完全唔晒得，再望多次见佢背脊同手臂都冇著防晒衣。Keep（保持）住几个站，直到我落车都未见到佢收返把遮」。片中见到一名穿白色短裙的长发女子，在车厢内撑起雨伞。
有想法实际的网民估计「为咗整干把遮？ 谂唔到第二个原因」、「佢应该做完啲美容疗程，块面唔见得光…但系又要外出，其实部分灯光都有紫外线，不过阳光劲啲…」、「我16岁已经开始担遮出街， 因为好多雀斑都系晒太阳晒出嚟… 我见我啲朋友去打斑都要使4万至10几万…」。
有人却斥责「点解唔带帽？ 车厢担遮好危险㖞，企唔稳笃到人点赔先」、「室内担遮，你不如带面罩再著防晒外套算啦」、「个车厢咁窄仲阻Ｘ住晒」；有人更留言「有个阿伯见到呢个人经过之后话『真系夸张』」。
相关阅读：黄埔短裤男担「7人遮」出巡 遮柄夸张长到落膝头 网民忧：遮大招风成个人升天
接著，陆续有网民自爆指相中女子似曾相识：
•我荃湾见过佢；
•我都见过佢又系大埔至上水。我见到个头系上咗年纪嘅女人；
•今日下午大约6:30喺太和火车闸口都见到呢个女人，好多人行过都望佢。室内冇阳光都担遮，不停拉实把遮，好似好惊俾人望到佢咁；
•佢系唔系遮住个身呀？佢系唔系传闻中喺大埔区出没嘅，成日用啲头发遮晒块面嘅女人呀？
及至有网民向楼主查问：你系咪喺上水至大埔站路段撞到呢个女人呀？如果系，再讲～。
楼主于是回应：系呀，佢侧面块面搽啲防晒搽到劲白。
这名网民进一步留言指「恭喜你，你见到大埔『无头公主』。因为你见唔到佢个头。好多年㗎啦，有精神病廿年以上，上水至大埔出没，以前就缩骨遮但唔打开，纯粹2cm距离遮块面。至于点解话佢有精神病，系另有原因」。之后未见这名网民就留言作补充。
资料来源：kam_chsam＠Threads
相关阅读：强风袭泳滩如卷起沙尘暴 泳客险连人带太阳伞扯飞↓↓↓↓
风暴「泰利」来袭，2023年7月16日三号风球下刮起的强风，吹倒泳滩上的多把太阳伞，如甩绳马骝的伞子上演飞沙风中转。有泳客拉著太阳伞与强风搏斗，几乎被扯飞，情况惊险↓↓↓↓
