港铁车厢变啪啪声修甲店 又锉又剪 马尾女落车前遭乘客围斥 「神迹」反应吓窒网民｜Juicy叮
发布时间：11:35 2025-06-28 HKT
港铁车厢惨变啪啪声修甲店。屯马线一名扎马尾的女乘客，日前被拍摄到在乘车期间埋首修甲，又锉又剪又拨，指甲碎片与粉末四散，在屯门站临落车前，终于被看不过眼的乘客围斥。结果，马尾女的反应被网民形容为「神迹」。详情见下图及下文：
港铁车厢变啪啪声修甲店 又锉又剪 马尾女落车前遭乘客围斥逐张睇↓↓↓↓
天水围站剪至屯门站
楼主昨日（27日）在社交平台Threads上载短片发帖，指「屯马线理甲店，自私自利仲死口唔认。好彩仲有其他乘客上前一起指责佢嘅自私行为」。
短片拍摄到一名马尾女乘客在车厢的座椅上埋首修甲。片中字幕讲述事件详情：
•事发时间2025.26/6约20:28至20:35；
•屯马线天水围至屯门站，目睹整个修甲过程，视若无睹，完全目中无人；
•坐过一格就当遗下嘅指甲就唔系属于自己；
•意犹未尽剪到啪啪声，指甲弹到周围都系；
•完全当咗车厢范围系私人修甲店；
•阿婆你仲死口唔认，公德心何在？卫生何在？自私精；
•其他乘客都立即上前指责佢自私自利的行为。
相关阅读：企正铜锣湾铺头门口剪指甲 大叔遭公审惨变「无头东宫」 网民爆笑改图连阿Bob都受牵连？
楼主挺身指骂
片中马尾女旁若无人地拿著指甲钳又锉又剪，并把指甲碎和指甲粉末拨开，最终在看一看一手表后收起工具，拿起手袋离座准备下车时，楼主终于上前挺身指骂：
楼主：阿婆呀，你留咗好多垃圾呀。
其他同卡乘客：好多手指甲呀。
楼主：吓，其实呢啲私人嘢，呢卫生嘢呢，系咪可以喺屋企做呢？点解成日都要喺啲公众地方都系呢。
马尾女：唔系我㗎啲垃圾。（意思指地上的垃圾）
其他同卡乘客：上面𠮶啲。
楼主：你够胆话唔系你？
其他同卡乘客：上面𠮶啲系你㗎啦。
楼主：天水围影到你嚟呢度喇，离晒谱呀呢啲人。
相关阅读：巴士上剪指甲车长开咪闹 19字「金句」惹热议 网民：车长经历过？
马尾女挨闹后扫指甲碎落地
被直斥其非后，马尾女默默转身弯腰，出手左左右右把座椅上的指甲碎扫落地。于是有网民指「个阿姐无发烂渣，仲有拨返的指甲落地，已经系神迹。好多都后吊转头话系『厚多士』（好多事）」。
虽然如此，网民看过短片后，纷纷声讨车厢剪指甲行为，大闹：
•好呕心；
•非常讨厌；
•好无公德心；
•扺闹！无品；
•唔争在修埋脚甲啦；
•呢啲人真系好乞人憎；
•抵闹，呢啲就系自私精；
•好X憎人喺公共交通工具剪指甲；
•闺房事大公开。之但系无人想睇啰；
•（挫指甲）仲衰过剪手甲，啲粉周围飞；
•有无佢嘅屋企人睇到呀！教下佢礼貌喇！唔该。
另有人大赞楼主的挺身而出：「多谢楼主出声」、「呢个仲谂住唔认，楼主向佢指出真好」、「多谢你当场话佢，佢哋好唔卫生，令人厌恶」。
还有人好奇「解咁钟意将车厢当理甲店呢？」、「完全谂唔明点解要特登喺地铁剪指甲，我弹结他要定期剪指甲，但我从来唔会喺地铁剪指甲，真系黐X线」。
相关阅读：恶阿伯轻铁「歪理」剪指甲：「边有规矩唔畀剪指甲啊！」目击者：佢话自己住过美国又讲英文
网民分享修甲奇闻
更有不少网民分享自己在街上见到的修甲奇闻：
•上星期喺港岛线都有个女人做同样嘢，希望可以立例重罚佢哋；
•试过喺酒楼剪添，女人坐我隔离枱，一个人先到帮8个人攞位，指甲飞出位外，初时以为佢剪一只甲，原来佢剪晒，我哋即时要求换枱。
•哈！有一日（假期）我同阿仔喺书局入面睇书，都有个女人坐喺我隔篱搽指甲油，佢仲要孭住个名牌手袋，正宗香港人，后生（约40岁）。
•㖊日落雨等巴士又有个阿婶边喺我隔篱边剪指甲边等，佢剪一只手嘅时候我已经望住佢，佢仲好悠闲咁剪第二只，我后面排晒长龙，又落大雨，我费事再等就开把遮队住佢，费事佢啲指甲碎弹晒过嚟～真心啲人系咁无教养，成日喺街剪指甲知唔知丑㗎。
参考《港铁附例》第25条及28H条：
•25. 乘客不得造成滋扰——任何人不得在列车上或在铁路处所任何部分作出对其他乘客造成滋扰或烦扰的行为。
•第28H(d)——不得骚扰任何人，或故意对他人的舒适及方便造成干扰。
资料来源：wai_liu_kidd＠Threads
相关阅读：车厢剪指甲断正发恶 巴士阿伯指甲碎威胁劝阻乘客：「攞畀你睇吓呀！」↓↓↓↓
一名阿伯3月25日在巴士车厢，肆无忌惮地剪指甲，有乘客劝阻时，竟被该阿伯以指甲碎威胁，阿伯指著座位下满地指甲碎，凶她：「攞畀你睇吓呀！」劝阻网民在社交平台Threads公开当时情况的影片，如下↓↓↓↓
