考完DSE即做兼职勤力乖乖女劲赚5位数字有网民因一理由建议使晒佢｜Juicy叮

更新时间：15:51 2025-06-13 HKT
发布时间：15:51 2025-06-13 HKT

有应届考生考毕DSE（中学文凭考试）后即做兼职，一名18岁的乖乖女卖力工作，勤力为咖啡拉花，日前劲赚了人生第一个5位数字的薪金，兴奋拍照与网民分享喜悦。不少网民以过来人姿态教楼主如何理财，但也有人唱反调，因一理由建议散尽薪金。详情见下图及下文：

考毕DSE即做兼职勤力乖乖女咖啡拉花劲赚5位数字逐张睇↓↓↓↓

网民苦口婆心教理财

楼主本月8日在社交平台Threads上载大叠500元的相片发帖，留言指「DSE完咗嘅第2日就去咗返工，18岁前赚咗人生嘅第一个1万，唔知点解莫名有啲感动」。

楼主并在回应载上载工作时的靓靓咖啡拉花相片，补充「返嘅系part-time（兼职），有好多好好嘅同事，钟意呢份工，返得多赚得自然多。我都想转full-time（全职）奈何之后仲要返学。不作任何介绍，大家小心DM𠮶啲揾工呃钱党啊！！希望咁多位DSErs（应届考生）都尽快揾到工，赚钱买想买嘅嘢」。

5月中时，楼主已上载兼职花絮相片，指「同事一返工就买咗『笨Nana』（雪条）俾我，打败99.9%香港人」，可见楼主老早已跟同事融洽相处。

不少回应的网民除替楼主高兴外，还都以过来人姿态留言鼓励，和苦口婆心地教路如何理财，最大路的就是养成储蓄习惯：

•好叻！储起啲钱啦；
•未来有好多一万等住你，加油；
•好好储蓄，将来可以揾更多钱投资；
•加油，好叻，人生仲有好多个万等紧你；
•万丈高楼平地起，为展开人生新一页加油；
•后生记住要储钱！当你年纪愈大愈储唔到！！！；
•赚钱系成长第一步，理财系第二步，加油啦年轻人；
•人生第一份粮其中用少少奖励吓自己，其他存起佢；
•一定要储钱，那怕$500/$1000，到你储到10年就好开心；
•过来人忠告，尽量唔好用信用卡，唔好借钱，唔好先使未来钱；
•立即存$8000。过来人提醒，一有工作即做定期，迫自己每月存1/3人工；
•如果当年我都识谂迫自己储钱，就唔会到依家都未储到……愈大愈储唔到系真；
•千祈千祈唔好比人知人身边有几多钱，千祈唔好借钱比任何人包括屋企人，千祈千祈要储起佢唔好使晒；
•加油，姐姐话您知人越大越多金钱烦恼呀！记得储钱，好好理财，唔好先使未来钱。购物时谂清楚系需要定想要；
•唔好乱使钱，最好依家养成储蓄习惯同继续返part time，咁过多几年毕业之后就有一笔资金去置装揾工同埋进修喇；
•记得要有储钱嘅习惯，唔好理多定少，起初可以规划好一半以上嘅钱系储住唔好用，另一半任你点使都得，养成每次一有钱，点都要储起一部份，无突发事都坚持唔好用嘅习惯，我当年啲暑期工钱每次都系劈返落去自己嘅教育基金度。

另有人提醒楼主记得「同屋企人分享下，例如请食饭」、「出粮记得请屋企人食餐饭，平贵都好，爸爸妈妈都会好开心」、「第一份粮，请屋企人食嘢，买下小礼物俾佢哋，佢哋会好开心」、「恭喜，记得好好善用同储起，可以嘅话请屋企人食大餐，佢哋会好开心㗎」。

还有人有另类建议：「储埋一堆自己喺房度，一次过抛晒向天，虽然会执餐死，但系好Ｘ爽，10年前嘅我试过一次」、「留$500或$100现金，揾个信封储起佢，我当年有咁做，而家睇返，呢个系人生第一次赚嘅钱，好开心」。

有网民因一理由鼓励楼主花钱

不过也有网民与储蓄派唱反调，有人鼓励楼主花钱，有人甚至建议使晒佢，「用呢1万去揾你人生最青春最难忘嘅经验」：

•去个旅行先；
•好好享受，珍惜呢个感觉；
•人生好漫长，慢慢用买自己意嘅系好甜；
•第一次出粮真系好开心，好好谂下点用啲钱啦；
•明白啦有血有汗，好好庆祝下，自己谂下点去处理第一份血汗钱；
•趁后生去多啲旅行，尤其依家啲yen（日圆）咁平，唔好听啲傻Ｘ讲储起佢；
•往后人生无比呢一刻更有钱，更可以做你想做嘅嘢，好好享受依家可以尽情使钱；
•恭喜。啲人话要储1/3人工𠮶啲我觉得你仲细唔使点理住，趁后生去下玩，食餐好，咁样会有动力好多；
•唔好理人哋讲咩储钱，你呢个年纪正正系使钱使得最开心嘅时候，将来返工揾钱嘅时间多的是，学生哥赚到钱就奖励下自己，应使则使；
•千祈唔好怕使钱，钱永远揾得返；但同时千祈唔好贪方便申请信用卡甚至碌爆佢，有几多使几多就算，你永远想像唔到碌爆咗嘅卡有几难还。