65岁烂赌母亲黄昏恋拍拖半年拟第3次结婚港女自爆心碎家事：唯有咁做｜Juicy叮

时事热话

更新时间：13:25 2025-06-13 HKT
发布时间：13:25 2025-06-13 HKT

有港女日前在网上「香港讨论区」自爆心碎家事，指其65岁烂赌母亲在谈黄昏恋，拍拖半年即拟第3次结婚，准备嫁个上海人，「无眼睇」的她力数母亲过往的种种不是，并无助地向网民发问「请问我可以点做？」。

有网民似乎看穿准新娘结婚的背后动机，也有人好言相劝，建议发文的港女多祝福母亲，但日后要少接触；楼主及后也自言「已睇开咗喇」，日后唯有用一方法应对。详情见下图及下文：

65岁烂赌母亲黄昏恋拍拖半年拟第3次结婚港女自爆家事逐张睇↓↓↓↓

楼主气上心头力数母亲不是

楼主本月5日在网上「香港讨论区」以「有个生活同感情生活一团糟的妈咪」为题发长文大呻家事：

「我真系好想呻下。我妈咪喺我得4岁就同我爸爸离婚，之后就将我放喺珠海被婆婆照顾，跟住佢就同另一个男人结婚生咗个仔，近年又同呢个男人离咗婚，今年都65岁。

㖊晚突然同我讲：佢准备同另一个识咗唔知有无半年嘅上海男人结婚，个男人同佢一样都结过两次婚，离过两次婚，仲话结婚后有名份先见我哋同其他屋企人，我妈咪宜家同𠮶个男人同男人嘅香港屋企人一齐住，因为有啲手续，佢话最快11／6就结婚（需要咁急咩？唔明点解婚前唔见得人）」。

楼主还补充，「我妈咪无钱比人呃（不过我总觉得唔单纯），但妈咪唔听劝」，并向网民救助「请问我可以点做？」。

楼主越说越气上心头，接著力数母亲的不是：「妈咪有好多奇怪嘢，好固执，钟意赌钱。记得我细个，有次要做手术，手术完后，出嚟只见我婆婆同姨妈，原来我妈咪去咗澳门赌钱，根本无将我放喺心。

2018年有次打电话比我，就问我拎钱，还赌债，当时又喊，又话要死，我都好惊，拎晒自己储嘅钱帮佢还（后来先知，佢竟然将我婆婆死后俾佢嘅钱全部赌晒），我好锡我婆婆，所以好嬲，两年都无咩点揾佢，佢都无揾过我。点知两年几、3年后，收到佢电话又再问我借钱还赌债，我话无，佢见软唔得就开始闹我，话我不孝，无良心，睇住阿妈死都唔帮，之后又打比我老公........总之，最后我帮咗佢少少。其余𠮶啲叫佢去银行自己做债务重组慢慢还。

又曾经俾佢前夫告佢打人，要入拘留所。我又要帮佢去保释，当时喺我屋企住咗1个月。其实我真系好惊收到佢电话，好似次次都有嘢要帮佢执手尾咁，但系佢又唔听人劝，我都唔知可以点？」。

网民：天要下雨，娘要嫁人

就楼主有个「不羁的妈」，回应的网民都细心开解，大多人的意思都是「天要下雨，娘要嫁人，你可以做得啲乜嘢」，并提出不少建议：

•少接触，多祝福；
•你都阻止唔到，免伤脑筋；
•揾长期饭票。你应该恭喜佢；
•佢都65岁，自己想点咪由得佢；
•再婚仲好喇，佢可靠新一个，远离你哋；
•老来有伴，那就祝福她吧，其他的不须理亦理不了；
•佢要结婚，你又阻唔到，由得佢啰，下次欠债有佢老公孭了；
•咁大年纪结咪结啰，临老都揾到个，向好的方面谂叫做有人照顾下佢；
•你既然改变唔到你阿妈，你就要改变自己嘅心态，如果系顶唔顺嘅话，就要放弃，尽量就少啲见面，一年咪过几次啰，生日团年新年系咁多；
•如果你唔系同你老母住，根本唔使理佢结唔结婚，无咩感情就少啲联络啦；将来佢老啦，你有啲能力就揾间好啲嘅老人院俾佢，多啲探佢，人生就系咁。

也有网民提醒：「就算佢点你都要理佢，佢生你，无佢就无你」；还有人笑言「系你妈咪呃紧人钱」、「似乎系你妈呃人」，楼主也帮理不帮亲，称「都有机会系，都真系有可能」。