「撞饭盒」撞出雪柜情缘？ 男同事食错女同事饭盒竟有下文 网民爆茶水间逸事 蛋糕惨遭直摆｜Juicy叮
发布时间：13:43 2025-06-07 HKT
在办公室「撞饭盒」撞出一段雪柜情缘？有带饭的男同事食错女同事饭盒后，竟然有下文。网民静候甜蜜佳音之余，也各自大爆公司茶水间的八卦逸事，当中，有人放于雪柜内的大蛋糕惨遭粗暴直摆，可以想像内里的崩溃情况。详情见下图及下文：
男同事食错女同事饭盒竟有下文逐张睇 网民爆茶水间八卦逸事↓↓↓↓
男同事立即约女同事食饭
楼主本月5日在社交平台Threads以「办公室日常」为题发帖，讲述一段可能出现的办公室雪柜情缘：
「有日，带饭的女同事发现雪柜盒饭唔见咗，应该话，入面啲冷面消失咗，得返一个洗干净的空盒。于是她在公司的千人大谷，半讲笑问，系咪有人太肚饿，食咗。
隔篱部门一位唔识的男同事跳出来，承担责任，公开道歉，话个饭盒款式一样，大意地『食错咗』。佢好有诚意，立即约返女同事食饭，亦亲自煮返盒冷面俾佢 。
我地暗暗为呢段饭盒情缘打气，密切留意，希望佢哋有下文。
话口未完，同一位女同事有盒食咗一半的蓝莓放在雪柜，今日（6月5日）打开时变成一盒全新的蓝莓。上面系另一位唔识的同事留低张note （笔记）话：唔小心整跌咗𠮶盒，所以买返盒新嘅俾佢。
同事惊叹，公司原来有一个很多故事的雪柜，大家可以Del（删除）晒啲交友App 了。今日开始，每日带饭！」。
有网民在事件上看出了阴谋，留言：
•网民甲：饭盒个样可以差唔多，但一开就知拎错咗啦，仲可以食错？？好明显想沟人啦。
•网民乙：我成日带饭，点解都无呢啲艳遇⋯⋯
•楼主：明明我成日带饭，都无呢种事发生过嘅～
•网民丙：我试过放屋仔奶喺雪柜被同事饮咗，揾到元凶后佢都剩系答「系呀，我饮咗」，个故事就完咗。盒奶仲要写晒名都有人饮；
•网民丁：其实只要够靓，跌笔都识到。我前同事就系搭Lift（升降机）跌咗枝笔识咗帮佢执返枝笔嘅老公（PS.（补充）女同事劲靓，佢老公都高大靓仔）。
相关阅读：雪柜里的风波 打工仔贴勿叠饭盒Ｍemo纸 网民睇唔过眼7招KO自私精
网民大爆茶水间逸事
另有相似经验的网民，讲述耳闻目睹的「食错饭盒」事件：
•我以前间公司都有类似事发生，人夫同事叮错咗女同事个饭盒食，个女同事喺Office行咗几转先揾到个犯人，最后人夫同事买咗个饭俾女同事；
•我公司都发生过，有个女同事食错咗另一个同事嘅饭盒，食到一半另一位唔见咗饭盒嘅同事周围揾个饭盒先知道原来俾人食咗，之后食错咗人哋个饭盒个女同事话：食食吓都觉得有啲奇怪， 点解今日个饭盒特别咁好食，原来系食咗人哋阿妈煮嘅餸。
有网民更加上载相片佐证，显示茶水间的雪柜乱像：「我以前都试过比人食错饭盒，望到真系笑鬼死」、「我公司净系得将人放个蛋糕打直摆嘅同事」。
相关阅读：职场无真心？ 中年打工仔返工唔想交际 网民7字真言附和
还有不少网民排队大爆各自公司内的茶水间逸事，件件古怪，宗宗新奇：
•我比人偷咗雪糕嚟食到而家都唔知边个；
•我以前见过最经典系食咗人个生日蛋糕；
•我公司有同事试过饭盒入面只鸡髀无咗得返白饭；
•曾经有同事喺雪柜拎饭出嚟叮𠮶阵，发现个饭盒俾人食咗一半；
•我以前公司试过汤比人饮咗一半，饭盒比人食晒啲餸得白饭！当然无人承认责任；
•我妹妹话佢同事Pump（泵）咗樽人奶，放咗喺雪柜，之后唔见咗，佢怀疑有人当花奶用咗；
•试过有同事放可乐在公司雪柜，Pantry（茶水间）阿姐都知道，有日某经理打开雪柜攞人哋罐可乐，Pantry阿姐好心提佢系某同事的，经理豪气地喺裤袋拎咗100蚊出嚟话：我买咗佢；
•话说十几年前，我公司有同事冲咖啡钟意加脱脂鲜奶，跟住佢就自己买咗屋仔脱脂奶贴埋自己嘅名放喺雪柜，其实一直都无嘢发生。但有一日佢好嬲咁拎住盒奶问，边个偷饮佢嘅奶，咁啲同事就问你点知有人偷饮，佢就话上面开口处有个红色嘅唇膏印喺上面；
•我公司Office（办公室）无过千人，但都试俾人偷乳酪、鲜奶、朱古力、雪糕、盒装罐装饮品，写名都无用，耐唔时就会有相熟同事讲又俾人偷嘢食，试过有人买叮叮点心做Lunch（午餐），到Lunch开冰箱成包无咗。同HR（人事部）反映，HR只系会话「系呀？系咪你自己食咗记错咋」；
•我公司有3个雪柜，近排带饭番工，点知打开雪柜A满满的苹果塞满成个雪柜，仲有阵苹果味。打开雪柜B入面系啲揾报纸包住嘅菜，同样都系打爆咗，仲要系一开就跌出嚟𠮶款。最后打开雪柜C入面塞满晒红白酒同香槟。终于明点解隔篱房𠮶team（组）人会自费买个私家雪柜，仲要摆喺Team Manager（组经理）个位隔篱。利申：3个雪柜都系比同一个人塞满晒嘢。
原来还有人放与食物无关的东西入雪柜，有网民自爆：「试过打开公司雪柜见到有份文件，变咗顺丰柜……」、「我以前公司试过有人摆件冷衫入雪柜，大癫！」。
资料来源：etetemily＠Threads
相关阅读：49岁女同事日日撩人夫 旁人公开对话：呢句算唔算「性暗示」↓↓↓↓
有网民在社交专页发文大吐苦水，公司有49岁女同事日日「姣撩」已婚男同事，楼主公开对话内容，坦言「日日被迫睇呢啲场面真系人都癫」，网民对于女同事撩人夫的说话，有否「性暗示」引发讨论↓↓↓↓
「开洗衣机」都系性暗示？「心姐」谢雪心分享有趣性暗示↓↓↓↓
「摇头」「眨眼」点藏性挑逗？TVB女艺人示范性暗示动作↓↓↓↓
「MBA」唔系学历咁简单！交友APP性暗示术语唔讲唔知↓↓↓↓
