金毛男荃湾小路施暴？ 掩眼扭颈扯头发 长发女倒卧草丛挣扎惨叫 结局难以置信｜Juicy叮
发布时间：16:31 2025-05-25 HKT
荃湾一对男女在球场旁一小路倒地纠缠的场面被路人拍下，当中的金毛男强势上阵，施以掩眼、扭颈、扯头发等招数，长发女招架乏力，倒卧草丛挣扎惨叫。事情的结局却出人意表，令网民难以置信。详情见下图及下文：
金毛男荃湾小路掩眼扭颈扯头发 长发女倒卧草丛挣扎惨叫逐张睇↓↓↓↓
楼主本月21日在社交平台Threads上载短片发帖，留言指「依家啲后生，玩都玩得冇嚟检点！条女嗌晒救命，以为乜嘢事啦？！点知原来喺度玩嘅！本来仲想帮手报警。要玩返屋企慢慢玩啦。条金毛仔系咪以为自己咁样好Ｘ型？」。据楼主透露，现场为沙咀道游乐场硬地足球场旁边小路。片中所见，两人纠缠期间，足球场内有一名女子在跑步，另有一名大叔路过两人身边。
网民细看片段后得出以下结论：「我以为佢抢嘢」、「未睇到留言以为绑架」、「杀紧人定准备强奸？？」、「唔讲以为攞把刀鎅条颈 」。有人则感慨「一个愿打一个愿挨」，也有网民把焦点放于过路大叔身上，指「隔篱个阿伯掂行掂过。望都唔望当透明先好嘢」。
相关阅读：两外籍女旺角街头MMA 互扯头发打到碌地 乡里在旁「神反应」成焦点
楼主：两人之后揽头揽颈有讲有笑行咗去
由于短片的动作过激，有网民还是认真老实地反问楼主「你点睇得出去玩？我睇咗几次都觉得好恐怖」、「想知片主最后系点知佢哋玩紧？」、「玩？ 唔似㖞」。
楼主于是现身解画，称：「我开头都以为系抢嘢／老强（强奸），点知佢哋玩完之后，好似冇嘢咁有讲有笑走咗去」、「最后佢哋揽头揽颈有讲有笑慢慢行咗去」。不过，网民仍是半信半疑：
•重复看几次都系觉得个男仔打条女；
•同埋咁玩会整亲条颈，可以断，可以瘫；
•劲大力㖞，咁样系玩咩......分分钟颈都断；
•其实系咪家暴紧？黐线，问佢一定话玩紧㗎；
•我觉得个女仔好痛苦㖞，点睇都唔系玩紧啦；
•吓？ 佢将个女仔个头㩒落地下，原来而家啲后生玩得咁激烈？
•真心唔觉系玩......即使系玩都唔会咁玩啦下嘛？又污糟，又Ｘ又痛，咁样系玩嘅真系一啲尊重尊严都冇㗎㖞。
资料来源：top6_penix＠facebook
相关阅读：巴士「孝顺姐」揿住长发女打到嗌救命：「你Ｘ我都得，唔好Ｘ老母！」↓↓↓↓
今年初有大妈在巴士上疑不满邻座长发女子，多次以粗口问候其「老母」，「Ｘ人老母」最终演变成打斗，大妈最终揿住长发女打，怒斥：「你Ｘ我都得，唔好Ｘ老母！」被网民形容为「孝顺姐」的大妈，大战长发女的全过程如下↓↓↓↓
