爆格直击 夫妇归家摸门钉竟出动呢样神器爆门 港女自爆结局超乎想像｜Juicy叮
发布时间：13:15 2025-05-23 HKT
一对夫妇归家时摸门钉，竟然出动一样神器爆门，实行自己屋企自己爆，并有短片拍摄到爆格过程。当网民好奇查问 「花咗几多时间先成功（爆门）？」时，楼主却爆出超乎大家想像与期望的结局。详情见下图及下文：
夫妇归家摸门钉竟出动呢样神器爆门逐张睇↓↓↓↓
有港女早前在社交平台Threads上载短片发帖，指「同老公睇完戏，返到屋企门口发现工人反锁咗大门，而家同老公一齐爆紧自己屋企格，赢咗99.9%香港人」。短片隔著铁闸拍摄，见到有人疑似拿著长身雨伞末端，不断以遮的手把按下大门的开门掣。不过，片中的大门丝毫不动。
网民对爆自己屋企格的举动感到相当好奇，查问「想知点解可以喺屋外伸把遮入屋」、「我想问下点解用圆𠮶边笃个门掣，而唔系平𠮶边？」。
就第一条问题，楼主细心讲解：「系铁闸出面撩把遮出嚟……唔够长再撩多把……两把驳埋做一把……然后发现木门都系锁咗……」，至于第二条问题，楼主无力作答，「因为，我都唔知......系老公做hahahahhaa」。
在回应「爆唔爆到？」、「咁后尾点算？」的提问时，楼主坦言「爆唔到」。在不少网民都想知道「花咗几多时间先成功（爆门）？」时，楼主却爆出超乎大家想像与期望的结局——「佢（工人）醒咗，开门俾我哋」。
相关阅读：大埔居屋惊现凶悍「踩线」二人组 企铁闸半小时研爆格 疑专攻「呢类」单位
楼主：拍门拍到对面屋门出嚟睇
虽然有人教路如何爆门——「你勾到落嚟个下，另一个揾嘢笃开道门咪开到」，但楼主指「冇用㗎，因为姐姐连木门都锁埋呀，哈哈哈哈！！！！」。
另有网民称，「我有咗姐姐之后都成日唔记得带锁匙」、「个工人好尽责，唔好闹佢」、「你工人咁聪明，好彩无人报警，如果唔系就......」。楼主再透露「我拍门拍到对面屋以为有咩事开门出嚟睇，仲俾佢笑咗嘢，我都同老公讲俾啲Cam（闭路电视）影到应该会报警，笑死」。
有网民顺道讲述自己的小故事，称：
•曾经都有试过咁，平日佢（工人）唔会锁门。有事先会锁门，你谂下正常会唔会系咁，或者会唔会有事发生咗特登拖延时间？
•我阿妈教我姐姐：先生太太（老公和我）不在家，只有姐姐小孩在家都要反锁，惊大门锁俾坏人开，搞到我几次早放回家都要去㩒钟拍门加打电话及等待（姐姐有时在洗手间听唔到）⋯⋯鱼蛋有辣有唔辣，我教定佢哋火烛要镇定记得开反锁。
相关阅读：沙田公屋女在家沙胆贼照爆门 闻事主反锁木门 贼佬竟「咁讲」若无其事闩门走↓↓↓↓
2024年初时正值年近岁晚，有沙田公屋女居民在网上发帖，指在家竟撞正沙胆贼爆门，非常惊险。事发在沙田博康邨，2024年1月2日下午约3时19分，当时，女事主在家，突惊觉铁闸被一名陌生男子，秒速撬开，陌生男更开始撞木门的密码锁，女事主极惊慌。
千钧一发时，她没有立即报警，但隔木门做一举动，竟令这位沙胆匪徒，自行闩门走人。更奇葩的是，匪徒临走时，若无其事，对撬门行为，竟有堂而皇之的「解释」，以下是事发的全过程↓↓↓↓
房屋署统计：「公屋爆窃案」 匪徒最常见入屋途径 如下：↓↓↓↓
公屋门口装Cam违租约？房屋主任教路「咁装」才合规 要点如下：↓↓↓↓
智能门锁安全吗？密码门锁被匪徒乱揿「撞破」机率如下：↓↓↓↓
