港铁将军澳线故障｜网民极迂回路线归家北角行大运去ＸＸ再返将军澳！另有人搭车4小时｜Juicy叮

更新时间：11:42 2025-05-23 HKT
发布时间：11:42 2025-05-23 HKT

港铁将军澳线北角站至调景岭站昨日（22日）傍晚下班繁忙时间，有架空电缆组件移位引致短路跳掣，同时信号系统发生故障，令将军澳线全线瘫痪，大批市民需改乘其他交通工具。

各路人潮昨晚各出奇谋踏上万里长征归家路。有把心一横行了极迂回路线回家的网民事后盘点行程，指昨午5时51分在北角站，几经转折行了一个「大三角」，终于晚上7时40分到埗，历时近2小时。有自认「地狱黑仔王」的网民回应时，更爆出了车程长达4小时的惊人归途。详情见下图及下文：

港铁将军澳线故障网民极迂回归家路线逐张睇↓↓↓↓

楼主在社交平台Threads以发帖讲述昨日的迂回历程：

•5:51——收到同事及港铁讯息，电力问题暂停将军澳线，但当刻已在北角站！心谂不如去西湾河站搭车返将军澳，应该好快！结果上咗西湾河地铁站附近巴士站，等咗45分钟，飞走咗3架车。大部份人都等唔到，我亦都系，于是是但上咗架去中环嘅巴士，喺会展站落车。
•6:54——在会展站内都等咗两班车先上到。
•7:19——到九龙塘站，城巴先至话会加密去将军澳等巴士嘅班次！谂过喺九龙塘站转去观塘，但到咗观塘一样冇地铁返将军澳！把心一横直去沙田站！
•7:40——终于喺沙田上到车直返将军澳！有冇人更加迂回！

回应的网民自认「地狱黑仔王」，爆出更惊人车程长达4小时的路线：

「你一定唔够我厉害，本人家住蓝田，下午4:30喺科大出发，本来去接人出院，遇正地铁受阻列车，停咗喺鲗鱼涌受困20分钟，之后鲗鱼涌站出返嚟，已经唔使接出院，病人自行出咗，之后想办法返蓝田屋企。

619（巴士）飞咗一架，619有两架尸杀列车条龙仲系好长，606（巴士）又飞咗一架。等咗45分钟以上。（的士鲗鱼涌去蓝田盛惠400港元...唔舍得搭）。

之后上咗116（巴士），游咗个车河去铜锣湾、红磡、黄大仙，最后喺钻石山落车。之后call uber返屋企，盛惠67.5元，返到去8:30。车程4小时，台湾都飞咗一转......『地狱黑仔王』」。

石门搭巴士入西贡乘小巴返坑口

另一网民留言「好过你一啲，我6:30喺港大站上车，决定唔好搏搭到北角会恢复正常，喺中环站转观塘线。上车一路迫一路谂咗几个方案，尖沙咀98D（巴士）、旺角98C（巴士）、彩虹102B（小巴），最后决定喺牛头角站俾10蚊搭A29（因为巴士站近地铁站）。上咗第3架巴士（可能太塞车，3架车相隔唔到15分钟），7:45到坑口」。

昨晚有不少网民自述归家经历，有另辟蹊径的网民在facebook群组「将军澳主场」，讲述了另一条西贡行大运路线返将军澳的路线——「6.15分沙田石门收工，坐299X（巴士）去西贡，再坐101M（小巴）返坑口，7:35到」，这行程获网民大赞醒目，并建议299X转792M（巴士）亦得。