疑不满攞袋加一蚊 阿叔「火云邪神」Look大闹天仁茗茶：「你有无尊重过我！」店员神回获激赞｜Juicy叮
发布时间：10:48 2025-05-06 HKT
元朗有大叔到天仁茗茶购买外卖饮品，怀疑不满店家按法例要求收取一元胶袋费，激动爆粗大闹店员，扬言：「你有无尊重过我！」「你识唔识玩㗎？！」「你玩我唔起㗎！」
该大叔地中海式秃头，踢拖配上背心底衫短裤，挽著胶袋，造型被网民形容撞样周星驰经典电影《功夫》内的「火云邪神」。
疑不满攞袋加一蚊 阿叔「火云邪神」Look大闹天仁茗茶：「你有无尊重过我！」店员「咁样神回」获激赞...↓↓↓↓
涉事地点位于元朗千色汇的天仁茗茶分店，有网民昨日（5日）在社交平台Threads发布事发影片。
楼主在帖文中表示，该大叔「买嘢要袋加一蚊，唔想畀就喺度嘈闹人唔畀袋佢。闹咗好耐，我见唔对路，就由舖头走出去帮手拍低，万一有需要可以做证。」
「我依家问你，你有无尊重过我！」
当时大叔站在店内收银前，声嘶力竭地爆粗怒斥店员：「你做乜Ｘ嘢啊！你系咪想玩嘢啊！玩乜Ｘ嘢啊！」
大叔越说越激动，指著店员骂道：「你有无尊重过我先啊！我依家问你，你有无尊重过我！」
店员非常冷静地反问：「咁你有无尊重过我啊？」大叔一时语塞，想了一想又再暴跳如雷：「咁你无尊重过我，我点Ｘ解要尊重你先！我尊重你乜嘢啊！」
「打包外卖啰！都系𠮶句！」
大叔随即指令该店员：「你依家落唔落单！系咪唔买畀我！？」
店员仍保持礼貌解释：「我依家就系落紧（单），你想要改......」大叔怒喝打断店员说话：「打包外卖啰！都系𠮶句！」
店员再问付款方式：「畀咩Payment？」大叔又爆粗回应：「唔Ｘ得啊？」店员说：「得啊。」大叔闻言仍怒不可竭：「乜嘢Payment？你接受咪得啰！」
挑衅店员「打Ｘ我」
这时听到拍片者向途人大喊：「帮手嗌商场Secure啊，唔该！」
大叔懒理拍片者，继续指骂店员：「你玩乜Ｘ嘢啊！」店员强调：「我无玩嘢啊，我剩系问你......」大叔以粗口打断店员的说话：「Ｘ你老母臭Ｘ！」之后声如洪钟地再挑衅店员打他：「我Ｘ你老母臭Ｘ！打Ｘ我啊！」
这时拍片者再喊：「喂，有无人帮手嗌商场Secure啊？」
「识唔识玩㗎！你玩我唔起㗎！你以为我咩啊！」
店员请大叔冷静，大叔仍破口大骂：「报警啰！咁想点啊！」店员表示不会报警，仍尽力安抚大叔，大叔骂道：「识唔识玩㗎！Ｘ你老母臭Ｘ！......你想玩乜Ｘ嘢啊！......我......香港人嚟㗎，你玩我唔起㗎！Ｘ你老母！你以为我咩啊！」
店员被骂仍非常冷静，没有出声以免刺激大叔，拍片者在场大喊：「你返入去啦，唔好理佢！」建议店员暂避，大叔这时再大喊「Ｘ你老母」，即转身怒气冲冲地离开。
网民：1蚊政府要收㗎，阿叔系咪穿越过嚟？
网民纷纷指斥大叔横蛮无理，外卖胶袋收一元是法例规定，竟迁怒店家：「天仁(茗茶)部分包装系气密，所以系合法收$1。」「𠮶1蚊政府要收㗎......呢啲阿叔系咪穿越过嚟？收1蚊1个胶袋已经行咗好耐。」
网民都称赞店员不受挑衅冷静应对：「嘉许情绪稳定的店务员！」「有钱买嘢饮冇钱买胶袋，阴功啰，店员好EQ值得赞扬。」
「香港人真系压力好Ｘ大，随时随地都可以爆得，感觉上店员嘅EQ都几好，冇跟住发脾气同讲粗口。」
「堂堂火云邪神连一蚊都冇？」
网民又热议大叔的「火云邪神Look」：「堂堂火云邪神连一蚊都冇？」「火云邪神咁嘅造型，把声好似一个打九个咁，冇人帮拖系正路。」
楼主在帖文中表示，当时猛叫路人帮手叫商场保安：「咁耐都冇secure嚟，我就一路拍一路大声叫人揾secure，全场嘅人都喺度食花生......」
同场加映：阿叔大闹日本城粗口问候「唔畀拗」 店员神回：「我系咪要叩头畀你？」结局令人意外↓↓↓↓
