四眼男「核灾难级别」式狂呕 的士后座喷满吓人啡色呕吐物 手持一物最抢镜｜Juicy叮
发布时间：15:24 2025-05-02 HKT
一名四眼男乘客早前乘搭的士期间，怀疑作出「核灾难级别」式的狂呕，吓人的呕吐物满布车厢后座，椅上、地上都沾满啡色物体，俨如灾难现场。事后，男子手持的一件物品很是抢镜。详情见下图及下文：
四眼男「核灾难级别」式狂呕 的士后座喷满吓人呕吐物逐张睇↓↓↓↓
四眼男拿著少量纸巾
楼主5月1日清晨6时许，在facebook群组「车cam L（香港群组）」以「你搅乜X嘢呀…」为题发帖上载相片。从相片中感到，四眼男的作呕情况仍然意犹未尽，手上拿著少量根本包不下呕吐物的纸巾，胃部却似乎仍在翻腾著；纸巾与呕吐物强烈的对比很是抢镜。而四眼男身旁的椅子上，除有密集的啡色物体外，还反转放有一个装上白色机壳的手机，和一团纸团。
在的士上呕到七彩，回应的网民惊呼「好核突，睇到图都有味道」。有人形容为「欢乐喷泉」，严重程度是「核弹级数」、「核灾难级别！」。有网民细心观察灾场环境，指「佢系全个地下同埋座位（呕），真识拣，全部都中晒」、「好似啲猫狗打泻了主人的避风塘炒蟹」，有人琢磨呕吐物的原形可能是「Pizza（薄饼）材料」、「Pizza放题」。
不少网民都替的士司机不值，担心影响生意之余还要花费清洁——「清洁贵过车程」、「洗完都有阵味」、「成晚唔使接客」、「隔住个Mon（荧幕）都觉得臭」、「佢又识得呕隔离喔，睇下佢个身几干净」、「成晚咁就俾咗佢 ! 下更都唔知点算，𠮶浸酸馊味绕梁三日」、「呕到咁样，通风都唔知要通几多日呀，水浸咁，都仲未计心理阴影」、「究竟搞乜嘢可以去到咁嘅情况？我自己都揸车揾食，最怕遇到咁样」。
四眼男「核灾难级别」式狂呕 的士后座喷满吓人呕吐物逐张睇↓↓↓↓
网民安慰司机：当倒泻碗粥
于是有人安慰司机指「当倒泻碗粥啰⋯⋯」，但有人称「倒泻粥，阵味顶得顺，但系呕𠮶阵味，系人都顶唔顺呢...」，唯有当倒泻「隔夜粥」。虽然楼主没有提及四眼男的呕吐原因，但有不少网民估计是不胜酒力，留言指：
•不自量力啰。明知酒量差，仲要学人劈酒，跟住欢乐喷泉都唔知边个执手尾。
•讲真，如果饮醉酒嘅话，最好就唔好搭的士，小弟曾经试过喺尖沙咀同朋友饮醉酒，我哋两个人宁愿喺条街呕吐干净，证实冇嘢再呕，跟住走咗去冲凉𠮶啲桑拿浴室，之后先至搭的士返屋企，小弟认为做人真系唔好咁自私，钱系用多咗嘅，出嚟饮酒就预咗要用钱。
•真系好恐怖。其实我觉得如果自己知道饮咗好多、可能有机会会呕，点解唔攞定两个胶袋先上车？大可以去便利店俾钱买只系几蚊，搞到依家咁，就算自行清理咗，人哋都做唔到生意啦！一系就坐埋一边等自己散咁啲ok咗先上车。想知最后点处理？就算唔赔清洁费，起码都要赔返日均收入俾人！
网民还称「其实真系顶唔顺，叫个司机停车有几难？将心比己，自己部车俾人搞成咁会点？」、「有时都唔明啲人，点解唔呕完上车，一系可以叫司机停一停车比佢呕。高速公路就话冇办法。其实周围便利店买个袋好易，相信司机冇袋都会有洗车桶啩」。
资料来源：Kitty Chau＠facebook
相关阅读：踩著呕吐物搭港铁 两女乘客唔怕核突坐低慢慢倾 网民推断：佢哋想ＸＸ↓↓↓↓
公众地方有呕吐物大家都避之则吉，但港铁观塘线车厢早前却出现令人匪夷所思一幕，两名坐著的女子竟然踩著一摊怀疑呕吐物在谈天。楼主细思极恐，把拍得的照片上载至社交平台Threads，发帖向网民问个究竟，所得的答案更加叫人毛骨悚然，起一身鸡皮↓↓↓↓
