谢霆锋演唱会2025︱锋火不灭 港女散场后随余韵盘点半生 跌宕故事感动网民｜Juicy叮
发布时间：11:40 2025-04-28 HKT
身影伫立火与光的交界，当谢霆锋在演唱会上拨动电结他，音符落地一刻，25载的「锋」烟，悸动成舞台上纷飞的蝴蝶，打翻了粉丝们细意珍藏的整个青春。原来，时光从未走远。
「谢霆锋进化演唱会」是一场与岁月的浪漫约会，散场后，被回忆杀击中的楼主万千感慨，思绪留在旋律余韵不愿散场。日前在社交平台Threads发帖，透过长文阐述自己15岁至40岁前的跌宕与心路历程，从青涩到从容。
人生各自流浪。楼主的故事，恰恰由谢霆锋两个相隔四分一世纪的演唱会细碎地串连。25年来，各自成长，却从未走散。千帆过尽，因为一个和弦而心潮澎湃......
详情见下图及下文：
谢霆锋演唱会2025 港女散场后随余韵盘点半生逐张睇↓↓↓↓
楼主回望25载心路历程
楼主在长文中吐露心声：「曾经……喺我15、16岁嘅时候，好多同学都已经拍紧拖，但我就好投入去追星。我会去商台等几个钟，又会追车，又会跑去港澳码头度送上船，喺追星嘅日子入边都识到唔少朋友。
呢啲嘢我父母都唔知嘅，我成日呃佢哋话同朋友出街食嘢。因为佢哋好憎谢霆锋，会话我点解要钟意谢霆锋，我身边有啲同学朋友都会睨我嘅。但我自己知道点解你会一直咁欣赏呢个男人。我成日话如果谢霆锋再唔开演唱会呢，我就老㗎啦，我跳唔到叫唔到。
今日……，佢喺我40岁之前终于都开返演唱会啦，好开心好兴奋，我真系跳、叫、企足全程，2000年25年前VIVA演唱会嘅时候都系一样。
今日嘅我准备踏入40岁，经历过读书升唔到原校中学转校、中五会考重读、出嚟做嘢、专注家族生意、揾钱、初恋拍拖、结婚、生仔、出现情绪问题、事业嘅低谷、离婚、独力照顾仔仔、从屋企人家自己同个仔+姐姐搬出来住……
人生有不同嘅经历，都系呢个演唱会入面听嘅歌回望返你好多嘅回忆。有咩歌曲系你嘅回忆中令你有好深感受嘅呢？（#仲未消化完已经2晚情绪仲好高涨好空虚好失落；#玉蝴蝶嘅歌词作曲编曲都好正好浪漫；#霆锋可以同一生中最爱嘅人重新相爱好浪漫）」。
帖文中，楼主除了上载门票和启德场内睇骚的兴奋照片外，还附上一张角落印有「01 5 27」的旧照，相信是楼主当年追星成功，与架著墨镜的谢霆锋合照。
谢霆锋演唱会2025 港女散场后随余韵盘点半生逐张睇↓↓↓↓
网民身同感受寻回青春时光
回应的网民深有共鸣，简单一句「加油」都叫人心神领会，坦言「同龄，身同感受」，有默契地感受到「寻回青春快乐时光」的雀跃心情——「每句歌词，都可能会带你返去这20几年里的某一场景、某一分、某一秒或者某个人。『由从前相恋一刹早知分手结果，纵使深深爱过……（《早知》歌词）』，当日听系一种伤心感觉，今日再听，是一种惋惜」。
因应楼主的追星足迹，有网民甚至「谂紧我哋以前会唔会识」。有人则附和楼主「我当年都有俾同学睨，不过我完全无放喺心度，继续我有我钟意」。
细看楼主慷慨上载的相片，有网民指「你张相好传递到，你睇𠮶时嘅开心～」，并满腹欣赏地称「25年前谢霆锋真系同而家一样咁靓仔」。
资料来源：lemon_yfk＠Threads
相关阅读：谢霆锋演唱会2025︱粉丝意犹未尽 散场沿途高歌 地铁车厢大合唱
