疑「瞓过龙」困巴士内 女乘客拍片：人生第一次荒谬至极 「烂瞓猪」最终咁样获打救｜Juicy叮
发布时间：15:22 2025-04-26 HKT
在巴士上打盹最担心是「瞓过龙」，有女乘客近日便「担心成真」，自爆在上层打瞌睡，最终被困车内的「巴士奇遇」。
楼主日前在社交平台Threads以「太荒谬了，一起身发现自己喺巴士俾人困住了」为题发帖，上载一段长约20秒巴士内空无一人的短片，讲述被困车厢内的经过。详情见下图及下文：
女乘客疑「瞓过龙」困巴士内逐张睇↓↓↓↓
楼主：人生第一次，荒谬至极
短片在巴士下层车头附近拍摄，楼主在旁白中表示「太荒谬了，我喺楼上度呢，瞓著咗呢，之后呢，之后，然之后个车长唔知啦，我而家俾人困咗喺架巴士度啰。人生第一次，荒谬至极！出面有个人，敲极佢，佢都听唔到啰」。短片拍摄期间，不断听到楼主走动的脚步声。
有网民认得现场可能是「蓝湾半岛巴士总站」，估计涉事的是106线。而网民对事件大感好奇，尤其是有相似经历的过来人，其中有人查问：
•网民：你最后点样落到车？ 我试过一次跟住又唔够高揿门顶个掣，困咗好耐，跟住见到有路人行过，我挥手希望佢睇到我，但佢可能以为我系女鬼佢急步走咗。
楼主：最尾个车长返嚟返返工，佢见到我应该吓亲，以为我系「巴胶」（巴士迷）问我点样上架车」。
•网民：喺佢角度出发，佢呢个猜想又有合理。但你等咗几耐佢先出现呀？
•楼主：醒咗之后过咗大概1个钟。
另有好心网民上载短片并留言「希望帮到你」，短片是乘客在巴士总站自行开关车门的经过；另有网民教路「车门顶有个掣，开完记得闩返佢。出面个掣喺车门侧边」、「前门 + 后门，上面有粒掣俾你揿」、「落车门上面有个掣可以揿，一揿就开门，我成日都瞓到无人知」。
有人则教路「响咹吧」、「巴士虽然停驶，但有冇可能去试下揾个巴士响咹掣呢？一响咹一定有人听到㗎！再唔系咪用手机揾人求救啰！甚至报警啰～」。
相关阅读：巴士上剪指甲车长开咪闹 19字「金句」惹热议 网民：车长经历过？
女乘客疑「瞓过龙」困巴士内逐张睇↓↓↓↓
过来人趁机大谈经历
有网民形容楼主的「巴士奇遇」是「奇妙旅程」；还有人称「高度怀疑你系瞓咗喺上层巴士嘅凳底，佢（车长）先会睇唔到你」。
另有不少过来人趁机大谈自己的经历：「我都试过瞓到总站被锁」、「我试过返厂洗车先起身」、「我试过瞓到大埔厂㖭啊」、「我试过瞓到俾清洁姐姐叫醒」、「我细个读书𠮶阵都系咁！结果乘客好好心叫醒我」、「我都试过瞓过龙，到总站个司机轻轻拍醒我落车！」，其他留言↓↓↓↓
•我朋友元朗去上水，上车瞓著咗，瞓醒喺返元朗总站；
•我试过一次坐到总站，司机留返一对门，当时我仲大紧肚；
•试过，不过架车𠮶阵开紧车，成车黑晒，之后行落去下层，叫巴士司机比我落车；
•试过有次瞓死咗，到总站有个好心哥哥拍拍我膊头、望望我、默默地走咗。人间有爱啊；
•我都试过喺巴士瞓著咗唔知醒，被困住咗，最后自己发现前门上面有个开门掣，自己揿自己落车；
•我都试过瞓醒成车冇晒人，btw（顺带提一下）门上面有粒绿色掣，一㩒就会开门，㩒多次就会闩返；
•我都试过！个次我差啲瞓到返车厂，好彩就到之前我冲落楼梯司机先见到我，最后喺附近放低咗我先走到 。
九巴回复《星岛头条》查询时表示，根据九巴内部指引，车长在完成行程返抵总站后，必须巡视巴士上层和下层车厢，九巴会加强提醒车长时刻遵守有关指引。乘客如果遇上类似情况， 可以致电九巴顾客服务热线2745-4466，寻求协助。
资料来源：yhk.kadriye＠Threads
相关阅读：港男巴士「世纪奇遇」竟获车长派钱？一原因获赠8倍车资惹热议↓↓↓↓
有港男早前在社交平台声称搭巴士时，竟获车长退还车资近8倍的钱，他以「世纪奇遇」形容这段经历，车长派钱的原因惹来网民热议。该港男2024年12月中下午约4时50分搭乘14号巴士，该巴士来往鲤鱼门邨及中港码头，他在小红书分享当时情况，如下：
