花$400美甲得到10粒「石春」 港女自嘲似波子 网民：点可能整到围棋咁｜Juicy叮
发布时间：15:23 2025-04-25 HKT
有港女美甲美出个大头佛来，弄得双手像拿满石春一样，「洗唔到头、开唔到汽水、拗唔到痕」。还好事主心态好，认为「正所谓好嘢要分享，伏嘢都要分享吓」，把这个像围棋、又像波子、同时带点薄荷糖风味的美甲公诸同好，结果笑坏一众网民。详情见下图及下文：
花$400美甲得到10粒「石春」逐张睇↓↓↓↓
楼主发长文细述事件始末
楼主早前在社交平台Threads上载两张相片并发长文细述事件始末——「基于身边好多人知道我啲甲出咗事，要求Sd（传）张相俾佢哋笑吓。正所谓好嘢要分享，伏嘢都要分享吓。
事缘很懂我的甲师闭店唔做啦，咁我就出去揾其他甲店试吓啦，结果$400得到呢10粒『石春』。我将佢名为『石春唐仔甲』，而家洗唔到头、开唔到汽水、拗唔到痕。
店名就唔开啦，因为并唔系要公审，只系俾你哋笑吓。颜色同我拣嘅好大分别都唔紧要，但点解要Gel（树脂甲或光疗树脂甲）到10粒波子咁？
完咗仲问我系咪我心中目的甲型，系那里来的自信，真胶定假胶？个甲师仲播住套《破地狱》，但已经唔识喊，去到中间照灯我已经知道『奶』大嘢，见到𠮶堆波子甲我每一吓灯好想笑，唯有忍住好专注套戏投入情绪。完#美甲」。
相关阅读：光顾美容院激光洗纹身 港女疑惨遭2级烧伤 网民教护理大法
花$400美甲得到10粒「石春」逐张睇↓↓↓↓
网民与楼主一同大笑
回应的网民想温故知新，「想睇吓你以前整甲系点，点可能将10只手指整到围棋咁」。另有人上载同款美甲，表示「可以交个朋友」。
有人则奇怪「你又唔系冇做甲经验，做一只已经可以口停啦，仲做晒10只？」、「整第一只发现唔对路就要say NO！（说不）」。
不少网民则称赞楼主「你心态真系好正」、「欣赏楼主善心」、「妳这种心态太好啦，独乐乐不如众乐乐」、「换个角度谂～呢10粒石春可以令到人哋会心微笑都系一件好事嚟嘅～欣赏楼主嘅幽默」。
同时有为数不少的网民与楼主一同大笑，指：
•好惨，同时又几得意；
•多谢你令我今日大笑咗出嚟；
•其实整到咁圆同咁厚都好高难度；
•好特别嘅款式，系咪佢间铺个特色嚟㗎；
•唔系讲笑，真系厚过我楼下石春路啲石春；
•点解可以整到咁圆辘辘？好好笑啊，好伏吓㖞 ；
•唔巧意思，真系笑咗，平均40蚊一粒，想知整𠮶个整到一半忍唔忍到笑。
还有网民脑洞大开，想到各式各样的形容词——「薄荷糖」、「好似10粒大牙」、「好似有渍嘅牙咁」、「手指变脚趾之术？」、「突然有啲想食小丸子汤丸糖水」。
资料来源：frebyv3v＠Threads
相关阅读：修甲迎新岁灵蛇竟变蝌蚪 港女美甲店整足3个钟 盛惠呢个数↓↓↓↓
送龙迎蛇。有爱美的港女过年前修甲，于网上找来心仪图款作范本，到美甲店花逾3个多小时匠心打造灵蛇甲装却得个桔，失望地左右手分别带同一条既似蝌蚪又似塘虱，也像水蛭和泥鳅，最终被网民嘲成红虫的贺年装饰离开，盛惠418大元↓↓↓↓
